ASÍ-þingi lokið

Tveggja daga þingi Alþýðusambands lauk í dag. Á þinginu voru til umfjöllunar mörg og erfið mál hvað varðar stefnumörkun Alþýðusambandsins og samþykkt mörg upplegg að breytingum í uppbyggingu og skipulagi samtakanna. Gylfi Arnbjörnsson, framkvæmdastjóri ASÍ, segir að með því markverðasta eftir þingið séu meðal annars ákvarðanir varðandi réttindi í sjúkrasjóðum og upplegg að breytingum, bæði hugmyndum sem unnið hefur verið með og leiðsögn fundarins í hvaða átt eigi að fara. Þá hafi verið tekin ákvörðun um að skerpa ímynd hreyfingarinnar og auka viðbragðsflýti og skilvirkni í starfi ASÍ. Gylfi segir að samstaða og samhugur sé innan ASÍ varðandi kjaramálin. Þau mál séu í brennidepli og endurskoðun samninga standi yfir.