Hlutverk skólanna skoðað

Menntaráð Reykjavíkurborgar vill skoða hlutverk skólanna í umræðu og fræðslu um kynferðisofbeldi gegn börnum. Menntaráð hefur falið menntasviði að efna til umræðu við fagfólk og foreldrasamtök um þetta. Kanna á hvort þörf sé á starfshóp sem myndi leggja fyrir ráðið tillögur um hvernig skólar geti gegnt hlutverki í þessu sambandi. Til dæmis hvernig fræðslu sé þörf á að fara með inn í skólana og hvernig kennarar og annað starfsfólk skólanna sé í stakk búið að greina málsatvik tengd kynferðislegu ofbeldi og takast á við þau.