Ríkið sýknað

Héraðsdómur Reykjavíkur sýknaði íslenska ríkið í gær af 100.000 króna kröfu karlmanns sem stefndi því fyrir ólögmæta handtöku og haldlagningu á bifreið hans. Maðurinn, sem þekktur er meðal lögreglumanna fyrir fíkniefnabrot, var handtekinn eftir að hann neitaði lögreglumönnum um að gera fíkniefnaleit í bifreið sinni á Suðurlandsvegi í júlí 2004. Hann var fluttur á lögreglustöðina á Hvolsvelli, þar sem hann að lokum gaf leyfi fyrir leitinni. Ekkert fannst, þó fíkniefnaleitarhundur hafi merkt lykt af fíkniefnum á tveimur stöðum í bifreiðinni, að sögn lögregulmanna.