Neysluvísitalan hækkaði um 1,6%

Samræmd vísitala neysluverðs í EES-ríkjum var 118,6 stig í september og hækkaði um 0,4% frá ágústmánuði. Á sama tíma var vísitalan fyrir Ísland 130,9 stig, sem þýðir hækkun um 1,6% frá fyrra mánuði. Frá september 2004 til september í ár var verðbólgan - mæld með samræmdri vísitölu neysluverðs - 2,5% að meðaltali í ríkjum EES, 2,6% á evrusvæðinu en 1,6% á Íslandi. Mesta verðbólga á Evrópska efnahagssvæðinu á þessu tólf mánaða tímabili var 7,4% í Lettlandi en minnst var verðbólgan 1,1% í Svíþjóð og Finnlandi.