Starfslokasamningur kærður

Efnahagsbrotadeild Ríkislögreglustjóra hefur nú fengið til rannsóknar starfslokasamning Jóhannesar Sigurgeirssonar, fyrrverandi framkvæmdastjóra Sameinaða Lífeyrissjóðsins, sem hann og stjórn sjóðsins gerðu þegar Jóhannesi var gert að víkja störfum vegna bágrar afkomu sjóðsins fyrir ári. Fréttablaðið greinir frá því í dag að starfslokin hafi verið kærð til efnhagsbrotadeildar Ríkislögreglustjóra sem í framhaldinu mun kanna hvort ástæða sé til að gefa út ákæru í málinu. Fram kom í fréttum fyrir um ári að starfslok framkvæmdastjórans hefðu kostað Lífeyrissjóðinn þrjátíuföld mánaðarlaun framkvæmdastjórans.