Leverkusen sigraði á æfingamóti

Bayer Leverkusen Giants, lið Jakobs Sigurðarsonar í Þýskalandi, sigraði á æfingamóti í körfubolta sem haldið var í Hollandi um helgina. Leiktíðin í Þýskalandi fer nú senn að hefjast og forvitnilegt verður að sjá hvernig Jakob tekst til með nýju liði sínu. Leverkusen sigraði Sundsvall Dragons frá Svíþjóð örugglega í fyrsta leik mótsins 92-66 og fylgdu því eftir með sigri á Kaptemberg frá Austurríki 74-64 og Demon Amsterdam 71-61. Jakob var með tæp sjö stig að meðaltali í leikjunum þremur, sem voru liður í lokaundirbúningi liðsins fyrir átökin í þýsku úrvalsdeildinni.