Lagabreytingu þarf til

Hegningarlögunum þarf að breyta til þess að lögreglan geti rannsakað heimasíður þar sem tugir fólks selja líkama sinn gegn greiðslu. Samkvæmt lögunum virðist fólki heimilt að stunda vændi í frítíma sínum. Á heimasíðunum einkamál.is og Private.is er að finna tugi auglýsinga frá fólki sem selur líkama sinn. Á föstudag greindi fréttastofan frá lista sem gengur kaupum og sölum á netinu, þar sem nöfn fimm vændiskvenna voru gefin upp. Einkamál.is er rekin samhliða fréttavefnum vísir.is af 365 miðlum. Ritstjórinn segir að töluvert sé um að vændi sé auglýst á vefnum og hann segir að leitað sé reglulega að auglýsingum þar sem vændi sé auglýst. Þröstur Emilsson, ritstjóri, segir dæmi um einstakling sem hafi reynt að auglýsa þjónustu sína 40 sinnum. Hann segir að erfitt sé að koma í veg fyrir þessar auglýsingar en sagði að notendur einkamál.is væru nokkrir tugir þúsunda og þeir eru vel vakandi og láta oft vita af slíkum auglýsingum. Ritstjórnir reynir að að fylgjast með en geti ekki komið alveg í veg fyrir þetta Lögreglan hefur fengið ábendingar um að vændi sé auglýst á heimasíðum eins og einkamal.is og private.is, en segist lítið geta gert. Hörður Jóhanesson, yfirlögregluþjónn, segir vandann vera sá að lagaumhverfið er alls ekki nógu skýrt. Það er ekkert víst að einstaklingur sem býður vændi sem aukastarf og hefur fulla framfæstlu af öðru er það samkvæmt lögum ekki refsivert. Þó að maður eða kona stundi vændi sem aukstarf. Að mati lögreglunnar þarf að breyta hegningarlögunum. Þar er einungis tekið á milliliðunum eða dólgunum og hægt er að grípa inn í ef fólk hefur vændi að aðalstarfi. Hörður segir að það þurfi að skýra þetta og heilmikil umræða hafi farið fram í vetur, þingnefnd fjallað um þetta og einnig ráðuneytið unnið að endurskoðun þessa lagakafla.