Reina ætlar sér byrjunarliðssæti

Markvörðurinn Jose Reina, nýjasti liðsmaður Evrópumeistara Liverpool, kveðst ætla að veit Jersey Dudek harða keppni um sæti í byrjunarliði liðsins á næstu leiktíð. Hinn 22 ára gamli Reyna kvaðst mjög ánægður með öll þau góðu orð sem Rafael Benitez, stjóri liðsins, hefur látið falla um hann á síðustu vikum, en nú sé það undir honum komið að standa undir öllum þeim hrósyrðum. "Það þýðir ekkert að tala bara um hversu góður ég sé. Ég verð að sanna tilverurétt minn í liðinu," segir Reina en bætir við að það verði ekki auðvelt. "Dudek er frábær markvörður og það sást best í úrslitaleiknum í meistaradeildinni. Þar var hann klárlega ein af hetjunum. Þetta verður hörð en skemmtileg samkeppni á milli okkar," segir Reina.