Keflavík sigraði fyrsta leikinn

Keflavík sigraði fyrsta leikinn gegn Snæfelli í úrslitaviðureigninni um Íslandsmeistaratitilinn með 15 stiga mun, 90-75. Keflvíkingar höfðu nauma forristu allt fram í fjórða leikhluta en þá sigu þeir framúr og sigruðu að lokum með fyrrnefndum mun. Magnús Þór Gunnarsson var stigahæstur hjá Keflvíkingum með 27 stig, Nick Bradford skoraði 21 stig og tók 11 fráköst og Anthony Glover setti niður 20 stig og tók að auki 11 fráköst. Hjá Snæfelli var Michael Ames stigahæstur með 15 stig, Sigurður Á. Þorvaldsson skoraði 13 og Magni Hafsteinsson var með 12 stig. Hlynur Bæringsson átti góðan leik, en ásamt því að skora 10 stig þá reif hann niður 22 fráköst.Gangur leiksins og skor