Kobe svarar ummælum Atkins

Kobe Bryant, leikmaður Los Angeles Lakers í NBA-körfuboltanum, sagði í viðtali í gær að ummæli samherja hans, Chucky Atkins, hefðu verið tekin úr samhengi. Atkins fullyrti að Kobe væri framkvæmdastjórinn og að Lakers væri liðið hans. "Við töluðum ekki mikið saman í gær. Það sem hann sagði var tekið úr samhengi," sagði Bryant. "Það skiptir engu máli hvað þið reynið. Það er ekki möguleiki að þið náið að snúa okkur gegn hvorum öðrum. Við ætlum að leggja hart að okkur og spila körfubolta. Það er ekkert meira í gangi en það," bætti Bryant við.   Lakers tapaði 8. leik sínum í röð í fyrrinótt sem er næstlengsta taphrina liðsins síðan liðið flutti frá Minneapolis til Los Angeles.