Keflavíkurkonur burstuðu KR

Íslandsmeistarar Keflavíkur burstuðu KR-konur 106-57 í síðustu umferðinni í 1. deild kvenna í körfuknattleik. Bryndís Guðmundsdóttir skoraði 19 stig fyrir Keflavík en Hanna Kjartansdóttir var stigahæst í KR-liðinu með 13 stig. Grindavík tryggði sér annað sætið í deildinni með sigri á ÍS, 58-54. Rita Williams var stigahæst Grindavíkurkvenna með 17 stig en Signý Hermannsdóttir skoraði 19 sig og tók 17 fráköst í liði ÍS. Haukar sigruðu Njarðvík með 73 stigum gegn 68. Ebony Shaw skoraði 32 stig fyrir Hauka og Helena Sverrisdóttir 22 en hún tók auk þess 15 fráköst. Í úrslitakeppninni mætast Keflavík og ÍS og Grindavík og Haukar.