Innlent

Áfrýjaði úrskurði samkeppniseftirlits

MYND/GVA

Jón Kristjánsson, heilbrigðis- og tryggingamálaráðherra, áfrýjaði úrkskurði Samkeppniseftirlits til áfrýjunarnefndar samkeppnismála, í máli klínískt starfandi sálfræðinga. En sálfræðingar hafa leitað eftir því í sex ár að sjúklingar þeirra fái endurgreiðslu til jafns við þá sem leita til geðlækna, sé um sambæirlega meðferð að ræða.

Í febrúar á þessu ári barst samkeppnisráði erindi frá Sálfræðingafélagi Íslands þar sem kvartað var yfir því að heilbrigðis- og tryggingamálaráðuneytið og Tryggingastofnun Ríkisins hafi ekki virt niðurstöðu samkeppnisráðs frá 1999 þess efnis að sjúklingar ættu rétt endurgreiðslu . Í erindinu segir að samkeppnisráð álíti að klínískir sálfræðingar og geðlæknar starfi á sama markaði þegar um væri að ræða geðræna meðferð sem ekki fæli í sér lyfjagjöf.

Þann tólfta október beindi Samkmeppniseftirlit þeim fyrirmælum til heilbrigðis- og tryggingamálaráðuneytis að ganga til samninga við klínískt starfandi sálfræðinga. Þeim úrskurði áfrýjaði ráðherrann. Hann sagði ástæðuna vera þá að sérfræðingar á hans vegum væru ekki sammála um að þessar tvær stéttir störfuðu í sama samkeppnisumhverfi. Því sagði hann skynsamlegast að láta málið ganga alla leið og skoða síðan fullnaðarniðurstöðu þegar þar að kæmi. Ekki náðist í formann Sálfræðingafélags Íslands fyrir fréttir.

Fréttir Innlent

Mest lesið


Fleiri fréttir

Sjá meira


×

Mest lesið