Frárennslisvatn hreinsað í Fellabæ

Fimm hreinsivirki í Fellabæ, á Hallormsstað og Egilsstöðum taka við öllu frárennsli á svæðinu og skila því sem drykkjarhæfu vatni beint út í bergvatnsána Eyvindará.

Óskar Vignir Bjarnason er framkvæmdastjóri Bólholts, fyrirtækis sem flytur inn og byggir hreinsivirki. Fyrirtækið hefur þegar byggt fimm hreinsivirki og er það sjötta þegar risið og verður komið í fulla notkun eftir tvo mánuði. Óskar Vignir segir að í hreinsivirkjunum sé um lífrænt niðurbrot á frárennslinu að ræða. Eftir fjögurra þrepa hreinsun sé vatnið geislað til að drepa bakteríur og gerla og mælast þá saurkólígerlar og súrefnisgerlar vatnsins í öllum tilvikum í góðu lagi. Vatnið telst drykkjarhæft. En ætlar fyrirtækið þá kannski að tappa því á flöskur og selja? Óskar Vignir Bjarnason:

Óskar Vignir vill ekki greina frá því hver kostnaðurinn við hreinsivirkin sé en segir að þau hafi ekki verið dýrari en sameining og bygging dælustöðva eins og gert er víðast um land, til dæmis á höfuðborgarsvæðinu. Samkvæmt skýrslu ráðgjafarfyrirtækis hefði kostnaður við dælustöðvar á Egilsstöðum og nágrenni verið tvö hundruð til þrjú hundruð milljónir króna.