Lithárnir án atvinnuleyfis

Forsvarsmenn Afls Starfsgreinafélags á Austurlandi segja ljóst að enginn leyfi né samningar séu til staðar fyrir fjóra Litháa sem starfað hafa hjá fyrirtækinu Járn@járn á Reyðarfirði undanfarið. Lögregla hefur gefið fyrirtækinu frest til morguns til að afla gagna í málinu. Þrír starfsmenn verkalýðsfélagsins Afls voru við eftirlit á Reyðarfirði þegar grunur vaknaði um að ekki væri allt með felldu varðandi leyfi, réttindi og kjör fjögurra Litháa sem starfa við járnabindingar á Reyðarfirði á vegum fyrirtækisins járn@járn.is. Sverrir Mar Albertsson, framkvæmdastjóri Afls, segir frekari skoðun hafa leitt í ljós að ýmislegt var í ólagi varðandi veru mannanna á Reyðarfirði, sem og atvinnuleyfi þeirra. Lögregla hefur því gefið fyrirtækinu frest til morguns til afla nauðsynlegra gagna um að leyfi séu til staðar. Sverrir Már Albertsson, framkvæmdastjóra Afls Starfsgreinafélags, segir að Litháarnir fjórir hafi ekki verið með tilskilin atvinnuleyfi. Hann sagði ekki hægt að segja um það hvort Litháarnir myndu njóta viðurunnandi kjara og launa. Sverrir sagði að verið væri að grafa undan íslensku velferðarkerfi á skipulagðan hátt þegar erlendir verkamenn væru ráðnir til starfa með þessum hætti.