Innlent

Gera þarfir sínar í töskur skólasystkina sinna

MYND/Stefán

Einelti hefur tekið á sig heldur ógeðfellda mynd í Hafnarfirði, þar sem unglingar í Víðistaðaskóla gera þarfir sínar í töskur skólasystkina sinna.

Hann lætur ekki mikið yfir sér Víðistaðaskóli þar sem hann hvílir værðarlega í hafnfirsku hrauninu. Innan dyra hafa hins vegar ítrekað komið upp leiðinleg eineltismál sem náð hafa nýjum hæðum. E inhverjir nemenda hafa gert þarfir sínar ofan í skólatöskur annarra nemenda. Foreldrar barna í níunda bekk f engu bréf á dögunum vegna þessa se m kallað er afar leiðinlegt og ógeðfellt atvik og þar eru þeir beðnir um að upplýsa málið.

Sigurður Björgvinsson, skólastjóri Víðistaðaskóla, vildi ekki veita viðtal vegna þessa í dag en sagði að sér þætti þetta atvik leiðinlegt og það væri alls ekki lýsandi fyrir skólann eða nemendur hans. Hér væri um einstakt tilfelli að ræða.

Fréttastofa NFS hefur hins vegar rætt við foreldra nokkurra barna í Víðistaðaskóla í dag og þeir segja farir sínar ekki sléttar. Í fyrrnendu béfi er talað um atvikið í fleirtölu en eftir því sem næst verður komist fengu nokkrar skólatöskur þessa sömu meðferð á dögunum og fréttastofa hefur spurnir af fleiri slíkum tilfellum. Hið fyrsta átti sér stað fyrir nokkrum vikum.

Foreldrarnir segjast líka óhressir með hvernig tekið hefur verið á þessu máli. Sökudólgurinn sé ófundinn og varla dugi að biðja foreldra að leika spæjara í gegnum börnin sín, skólayfirvöld þurfi að taka á málunum. Sumir foreldranna tóku svo djúpt í árinni að segja illa tekið á einelti í Víðistaðaskóla. Ekki sé til nein áætlun um það hvernig tekið skuli á því, ekkert eineltisteymi eða greið leið fyrir tilkynningar. Forráðamenn skólans verði því að hysja upp um sig.




Fleiri fréttir

Sjá meira


×