Skiptar skoðanir um flugvöll

Samstarfsnefnd samgönguráðherra og borgarstjóra kannar nú hvort flugvöllur á Lönguskerjum geti komið í stað Reykjavíkurflugvallar. Sturla Böðvarsson segir þetta framtíðarmál enda sé í gildi skipulag til ársins 2024. Forstjóri Flugleiða telur flugvellinum áfram best fyrirkomið í Vatnsmýrinni. Hrafn Gunnlaugsson kvikmyndagerðarmaður gerði hugmyndinni um flugvöll á Lönguskerjum góð skil í mynd sinni Reykjavík í öðru ljósi fyrir fimm árum en upphaflega var það Trausti Valsson skipulagsfræðingur sem kynnti hana fyrstur manna á opinberum vettvangi. Hrafn lagði reyndar til í mynd sinni að þarna yrði alþjóðaflugvöllur en í samstarfsnefnd ríkis og borgar hafa menn ákveðið um að kanna þann kost að þarna verði innanlandsflugvöllur sem jafnframt geti þjónað sem varaflugvöllur fyrir Keflavíkurflugvöll. Dagur B. Eggertsson, formaður skipulagsráðs sagði að mikilvægasta verkefnið núna væri að fara í að fullkanna málið og hann sagðist vonast til þess að það yrði sameiginlegt verkefni þeirra sem að málinu koma. Þetta þýðir þó ekki að Reykjavíkurflugvöllur hverfi úr Vatnsmýrinni á allra næstu árum. Sturla Böðvarsson, samgönguráðherra, segir liggja fyrir að nýbúið sé að endurbyggja flugvöllinn í Vatnsmýrinni með öllum leyfum frá borgaryfirvöldum svo hann telur ekki alveg komið að því að færa flugvöllin. Hann sagði sjálfsagt að horfa til framtíðar og ef niðurstaðan verður sú að nýta Lönguskerin þá telur hann það koma til greina. Hann sagði nefnd vera að skoða það mál. Fulltrúi stærsta flugrekenda vallarins, Ragnhildur Geirsdóttir, forstjóri FL-Group sagði að FL vildi hafa flugvöllin áfram í Vatnsmýrinni og vildi þá að skoðaðir verði möguleikar á því og benti þá á styttri velli og betri nýtingu plássínu. Hún sagði að þau væru engu að síður fús að ganga til viðræðna við borgina. Dagur sagði Vatnsmýrina vera gríðarlega verðmæta fyrir framtíðarþróun borgarinnar og það getur líka verið dýrmætt fyrir borgina að hafa flugvöll innan seilingar og ef þessir hagsmunir geta farið saman þá telur hann að miklu meira en 90% landsmanna fögnuðu því. Honum finnst jafnframt eðlilegt að Reykjavíkurborg tæki verulegan þátt í kostnaðinum þar sem Vatnsmýrin er verðmæt. Hann sagði að upphæðin yrði líklega minni en áætlað verð millilandaflugvallar á Lönguskerjum sem var 13 milljarðar. Samgönguráðherra segir að gildnadi skipulag sé til 2224 þannig að þetta yrði ekkí í bráð. Hann sagði að aðalatriðið nú væri að eyðileggja ekki neina möguleika heldur skoða málin. Hann segir að umræða um flugvöll á Lönguskerjum hafi engin áhrif á áform um byggingu samgöngumiðstöðvar í Vatnsmýrinni.