Handtekinn í Kringlunni

Átján ára unglingur var handtekinn í Kringlunni seinnipartinn í gær (föstudag) þar sem hann fór um veifandi loftskammbyssu. Hann hafði einnig skotið stúlku í fótinn með plastkúlu. Hann var yfirheyrður og honum gert grein fyrir alvarleika málsins en lögreglan í Reykjavík segir að þar sé ekki tekið á því af neinni lindkind séu menn með einhverskonar skotvopn eða eftirlíkingar af slíku á almannafæri.

Var piltinum sleppt að yfirheyrslum loknum en í fyrstu var hann afar ósáttur með afskiptin en hafði áttað sig á alvarleika málsins þegar á leið að sögn lögreglu.