Vinnumálastofnun kannar ávirðingar

Yfirmönnum Vinnu­mála­stofn­un­ar hefur verið falið að grennsl­ast fyrir um ávirðingar á hendur starfsmannaleigunni B2 og vísa til lögreglu reynist þær á rök­um reistar. Gissur Pétursson, forstjóri stofn­un­ar­inn­ar, segir málið hafa verið rætt á fundi stjórnar í hádeginu í gær.

"Við erum að kalla eftir upp­lýs­ing­um um fyrirtækið og svo að huga frekar að starfsumhverfi slíkra leiga," segir hann og bætir við að þeim fjölgi mjög sem starfi hér á leigu­fyrirkomulagi.

"Ákveðið áhyggju­efni er að menn geti ekki sam­ið sig að þessu hefðbundna ráðn­ing­ar­fyrir­komu­lagi sem hér hefur ver­ið við lýði og menn þekkja. En það er greinilega mikill vinnu­afls­skort­ur og menn grípa allt sem til fellur og þá ekki alltaf öruggt hvort það er fyrir innan lög og rétt."

Gissur segir galla að í raun geti hver sem er sett á stofn starfs­manna­leigu. "Þar er engin skrán­ing­ar­skylda eða neitt. Þá þurfa þeir sem út í slíka starf­semi fara ekki að undir­gang­ast neinar skyldur, svo sem um að upp­­lýsa vinnu­mark­aðs­yfir­völd um aðstæður svo við höfum þá ein­hverja tilfinningu fyrir því hvernig mál eru að þróast."

Gissur sagðist ekki sjá í hendi sér með hvaða hætti öðrum en laga­setningu væri hægt að ná utan um starsemi starfs­manna­leiga hér á landi.

"En það hefur verið í dálitinn tíma nefnd á vegum ráðu­neytis­ins að fara yfir þetta og hún hlýtur að þurfa að hraða sínum störf­um. Ég að minnsta kosti skynja það svo sem fullur áhugi sé hjá félags­mála­ráð­herra að gera eitthvað í málinu."