15 fjölskyldur fá ferða­styrk

Á laugardag var 15 styrkjum úthlutað úr sjóðnum Vildarbörn Icelandair. Styrkinn fá langveik börn og fjölskyldur þeirra til að gefa þeim tækifæri til að fara í draumaferðina.­­

Áslaug Thelma Einarsdóttir, framkvæmdastjóri sjóðsins, segir söfnun fyrir sjóðinn hafa gengið vonum framar og í ár hefði alls verið úthlutað 24 styrkjum. Sjóðurinn er fjármagnaður með beinum styrkjum frá Icelandair, framlögum frá einstaklingum innan Vildarklúbbs Icelandair en stærstu framlögin koma úr myntsöfnun sem fer fram um borð í flugvélum Icelandair. - sh