Brúin yfir Núpsvötn skemmdist

Þjóðvegurinn lokaðist í gær þegar brúin yfir Núpsvötn við Lómagnúpa skemmdist í óveðrinu. Yfirborð brúarinnar opnaðist þegar málmgrindur sem lagðar voru í brúna fyrir skömmu flettust upp. Að sögn lögreglunnar á Vík í Mýrdal var veginum lokað snemma í gærmorgun. Viðgerðarmenn Vegagerðarinnar komu á svæðið en ekki var hægt að laga brúna vegna veðurofsans. Ekki var stætt á brúnni. Seint í gærkvöldi var brúin enn lokuð en um klukkan sjö í gærkvöldi fóru menn frá Vegagerðinni að brúnni. Átti að reyna að gera við hana um kvöldið eða nú í morgunsárið ef veður leyfði.