Yfirheyrður vegna dóplista

Lögreglan yfirheyrði í gær Björn Sigurðsson í Krummahólum í Breiðholti vegna nafnalista yfir dópsala sem hann birti á vef sínum dopsalar.tk. Nöfn tveggja lögreglumanna eru á vefnum og hefur annar þeirra kært Björn. "Lögreglan reiknaði með því að báðir myndu kæra. Ég er kærður fyrir að segja að þeir séu dópsalar, en ég hef alla tíð haldið því fram að þeir lækju upplýsingum, en seldu ekki dóp," segir Björn, sem telur sig ekki hafa brotið lögin. "Ég get ekki séð að ég hafi brotið nein lög, þó að lögfræðingur persónuverndar segi að þetta sé íslenskt brot þá er vefsíðan erlend."