Von á fjölgun í lítilli fjölskyldu

"Ég átti að eiga fyrir helgi," segir Katrín Gunnarsdóttir, sem á von á barni með sambýlismanni sýnum Frank Höybye Christensen. Frank er dvergur og á móðir sem er dvergur. Helmings líkur eru á að nýja barnið verði dvergur. "Ég get alveg hugsað mér að eignast dvergabarn, enda hef ég ekkert á móti dvergum," segir Katrín. Katrín og Frank kynntust á skemmtistað fyrir rúmu ári og byrjuðu að vera saman. Hún segir að sér hafi fyrst fundist það skrítitð í fyrstu að eiga kærasta sem er dvergur en að það sé breytt. "Ég er mjög sátt við hann í dag og vildi ekki að hann væri öðruvísi en hann er. Það er persónuleikinn sem skiptir öllu máli," segir Katrín Gunnarsdóttir. Katrín á níu ára son sem er álíka hár og sambýlismaðurinn Frank. "Við grínumst bara með það, Frank hefur alveg húmor fyrir því," segir Katrín. Nánar er rætt við Katrínu í DV í dag.