Tékkar komnir í undanúrslit

Tékkar tryggðu sér í kvöld sæti í undanúrslitum á EM er þeir unnu sannfærandi sigur á Dönum, 3-0. Milan Baros var hetja þeirra en hann skoraði tvö mörk og Jan Koller eitt. Tékkar mæta Grikkjum í undanúrslitum. Fyrri hálfleikur var slakur og tíðindalítill en hlutirnir gerðust í síðari hálfleik. Koller skoraði fyrst með góðum skalla á 49. mínútu en eftir það var röðin kominn að Baros. Hann fékk tvær laglegar stungusendingar á 63. og 65. mínútu.Fyrri sendingin var frá Karel Poborsky en hin síðari frá Pavel Nedved. Baros skilaði þeim báðum í netið á glæsilegan hátt. Frammistaða Tékkana var mjög sannfærandi og þeir eru eflaust margir sem spá því eftir þennan leik að Tékkar fari alla leið. Þeir hafa klárlega getuna til þess.