Úrslit í körfunni í kvöld

Sex leikir fóru fram í Intersportdeildinni í körfuknattleik í kvöld. Haukar tóku á móti efsta liðinu, Njarðvík, og höfðu betur 91-83. Í keflavík sigruðu heimamenn Fjölni örugglega með 22 stiga mun, 96-74. KR tapaði heima fyrir Grindavík 90-94, ÍR sigraði Hamar/Selfoss 98-83, Skallagrímur vann KFÍ 98-82 á Ísafirði og loks sigraði Snæfell Tindastól á Króknum 96-72. Eftir leiki kvöldsins eru þrjú lið efst og jöfn að stigum, Njarðvík, Keflavík og Snæfell, en þau hafa öll 16 stig. Skallagrímur hefur 14 stig og ÍR og Grindavík 12.