Larsen segir dóminn réttan

Danski dómarinn Claus Bo Larsen, sem dæmdi leik Monaco og Liverpool í Meistaradeildinni í gær, hefur komið mörgum á ávart með því að segjast hafa gert rétt með því að dæma markið sem Javier Saviola skoraði, ekki af. Leikmenn Liverpool mótmæltu harðlega og í endursýningu sést að Saviola leggur boltan greinilega fyrir sig með hendinni, en Larsen var ekki á sama máli. "Ég er með hreina samvisku í þessu máli," sagið hinn danski. "Að  mínu áliti var þetta bolti í hönd, en ekki hönd í bolta." Rafael Benitez, stjóri Liverpool, var hinsvegar ekki sammála þeim danska, og vildi meina að hann hefði kostað þá leikinn. Benitez sagði: "Ég skil ekki af hverju hann brosti svona til mín þegar hann var að tala. Hann sagði að höndin hefði verið uppvið líkamann á Saviola, en ég er ekki sammála. Það er mjög svekkjandi að fá svona mark á sig og dómarinn gerði klárleg mistök." Didier Deschamps, stjóri Monaco, tók í sama streng og Benitez og sagði að þetta hefði verði klár hendi. "Ég er búinn að sjá atvikið núna í sjónvarpinu og já, þetta var hendi," sagði Deschamps. "Ég sá þetta ekki þegar það gerðist en ég sá Liverpool leikmennina mótmæla harðlega. En dómarinn var þeim ekki sammála og það kom sér vel fyrir okkur." Liverpool varð fyrir miklum skakkaföllum í leiknum er Luis Garcia meiddist strax í upphafi og verður frá í allt að fjórar vikur. Þá þurfti að sauma 20 spor í höfuð Josemi eftir að sá spænski hafði verði stangaður illilega af Patrice Evra, varnarmanni Monaco, og Djimi Traore, sem reyndar kláraði leikinn, mun verða frá í 10 daga eftir að hafa snúði sig á hné. Fyrir á sjúkralistanum eru framherjarnir Milan Baros og Djibril Cissé. Þá er fyrirliðinn Steven Gerrard ný stiginn upp úr meiðslum, en hann var frá í tvo mánuði.