Arnold í Hvíta Húsið?

Vöðvafjallið Arnold Schwarzenegger hefur sett stefnuna á Hvíta Húsið. Arnie, sem þekktur er fyrir ómannlegan viljastyrk, sagði fyrir stuttu að hann setti alltaf stefnuna á toppinn, þegar hann var spurður hvort hann stefndi að því að verða forseti. Til þess að svo megi verða þarf hins vegar að breyta stjórnarskranni bandarísku, sem kveður á um að forseti landsins verði að hafa fæðst í Bandaríkjunum. Vegna þessa hafa stuðningsmenn tortímandans fyrrverandi, hafið mikla herferð í því augnamiði að fá þessu breytt, þar sem slagorðið er: „Þú getur ekki valið í hvaða landi þú fæðist, en þú getur valið hvaða land þú elskar."