Tónleikar Nylon - Nældu þér í miða

Uppselt var á útgáfutónleika Nylon í Smáralind í gærkvöld og var stemningin gríðarleg. Nylon flokkurinn lék á alls oddi og aðdáendur sveitarinnar sneru öllu á hvolf og skemmtu sér konunglega. Nylon heldur aukatónleika í kvöld og annað kvöld og geta notendur Vísis freistað þess að næla sé í miða með því að skrá sig hér. Til gamans má geta þess að hljóðkerfið sem Nylon notaði á tónleikunum var sérstaklega flutt inn fyrir tónleika með hljómsveitinni Deep Purple í sumar og ljósashowið það sama og sett var upp fyrir tónleika Van Morrison í vetur. Nylon mun árita nýja diskinn sinn 100% Nylon í Smáralindinni um helgina en hann er mest seldi íslenski diskurinn í dag. Meðfylgjandi eru nokkrar góðar myndir sem Steinar Hugi, hirðljósmyndari Nylon tók af stelpunum í gærkvöld. Heimasíða Nylon