Ekki lagaheimild fyrir takmörkunum

Hæstiréttur komst í dag að þeirri niðurstöðu að íslenska ríkið hefði ekki haft lagaheimild til að setja takmarkandi skilyrði fyrir sjóflutningum fyrir varnarliðið á Keflavíkurflugvelli. Atlantsskip höfðaði mál gegn ríkinu, þar sem deilt var um skilyrði sem forvalsnefnd utanríkisráðuneytisins setti fyrir þátttöku í útboði fyrir varnarliðið. Skilyrði var að aðeins íslensk skipafélög mættu bjóða í flutningana, íslensk skipafélög þar sem þau hefðu húsbóndavald yfir áhöfn skipanna og ráðningarsamband við þær. Atlantsskip hélt því fram að ekki væri heimkild fyrir slíkri takmörkun og tók Hæstiréttur undir það.