Skatttekjur hækkuðu mest á Íslandi

Skattekjur, sem hlutfall af þjóðartekjum, hækkuðu langmest á Íslandi í fyrra af OECD ríkjunum þrjátíu, sem eru ríkustu lönd heims. Samkvæmt samantekt OECD hækkaði skatturinn hér á landi úr rétt rúmum 38 prósentum í upp í rúm 40% og næst mest í Tyrklandi, eða úr 31% upp í tæp 33%. Undanfarin tvö til þrjú ár hefur skattahlutfallið yfirleitt farið lækkandi i OECD ríkjunum þartil í fyrra að þróunin staðnaði og sumstaðar fór að gæta hækkunar. Sem dæmi um lækkun má nefna Bandaríkin, þar sem skattprósentan hefur lækkað úr tæpum 30 prósentum niður í 25,5%, en sama hltufall er rúmlega 40 prósent hér á landi eins og áður segir. Meðaltalið í OECD ríkjunum í fyrra var 36,8% og hafði örlítið þokast upp, en var samt langt undir skatthlutfallinu á Íslandi. Skýringarnar á mikilli hækkun hér á landi eru einkum sagðar vera stórauknir neysluskattar og hækkandi tekju- og fjármagnstekjuskattar. Það jákvæða er að hækkanir af þessu tagi þykja endurspegla uppsveiflu í efnahagslífi.