Líðan góð eftir atvikum

Líðan þeirra sem lagðir voru inn á sjúkrahúsið á Akranesi eftir að hópferðabíll valt í vindhviðu skammt frá Hvalfjarðagöngum í morgun er góð eftir atvikum, að sögn lækna á sjúkrahúsinu. Tveir hinna slösuðu voru fluttir til Reykjavíkur vegna bak- og höfuðáverka en þeir hafa nú verið sendir aftur til Akraness. Enginn er í lífshættu eftir veltuna en margir eru illa marðir og skornir og nokkrir beinbrotnuðu. Fjörutíu og einn hefur verið skráður inn á sjúkrahúsið í dag en í rútunni voru alls 48 manns. Tíu liggja enn á spítalanum.