Harlem Sophisticate í Loftkastala

Andi svartra tónlistarmanna svífur yfir vötnum í Loftkastalanum en á morgun verður söngskemmtunin Harlem Sophisticate frumsýnd þar. Fjöldi bandarískra og íslenskra tónlistarmanna kemur fram í sýningunni en alls verður verkið sýnt fjórum sinnum. Verkið er byggt á tónlist Duke Ellingtons, Leiber og Stoller og Cy Coleman. Eins og kunnugt er breiddist hróður Ellingtons og fleiri tónlistarmanna svo vel út frá Harlem í New York, snemma á síðustu öld, að hvítir tónlistarmenn sem og aðrir gerðu sér ferð þangað til að taka þátt og njóta með. Söngskemmtunin gerist í nútímanum en endurspeglar baráttu listamanna tímabilsins sem nutu vinsælda víða um heim en þurftu að berjast hörðum höndum fyrir réttindum sínum heima hjá sér. Myndin er úr myndasafni.