Kvenkyns forstjórar á lægri launum

Þótt meira en helmingi fleiri konur hafi unnið sem forstjórar í fyrra en árið 2000 hafa þær langtum lægri laun en karlkyns kollegar þeirra. Þetta kemur fram í samantekt úr tölum Tekjublaðs Frjálsrar verslunar. Það er Bryndís Ísold Hlöðversdóttir sem lagst hefur yfir tölur um fjölda og laun forstjóra sem birtar hafa verið í Tekjublaðinu frá árinu 2000. Í ljós kemur að konum í forstjórastól hefur fjölgað úr tíu í tuttugu og fjóra. Tæp níu prósent forstjóra eru því kvenkyns. Þegar litið er til launa þessarra kvenna komast þau ekki í hálfkvist á við laun karlkyns forstjóra. Engin kvennanna var með mánaðarlaun yfir fimm milljónum á síðasta ári, en þrír karlar fengu þau laun. Ein kona var með yfir tvær milljónir í laun, karlarnir voru sjö. Sextíu og fimm karlkyns forstjórar voru með laun á bilinu ein til tvær milljónir króna, engin kona. Fjórar þeirra voru með laun á bilinu 500 þúsund til ein milljón, 120 karlar. Bryndís Ísold segir áhugaverðast við launatölurnar að aðeins fimm konur eru með yfir 500 þúsund krónur í mánaðarlaun. Það er lítill fjöldi og sýnir ásamt fleiru að konurnar fylgi ekki launaþróuninni líkt og karlarnir. Samkvæmt útreikningum Bryndísar kemur í ljós að kvenkyns starfsmönnum hjá fjármálastofnunum hefur fjölgað. Laun þeirra virðast fylgja launum karlanna. Tölfræðin gefur þó til kynna að fæstar verði þær forstjórar. Það þykir Bryndísi svolítið skrítið