Gæsluvarðhaldsúrskurður ógiltur

Hæstiréttur hefur fellt úr gildi gæsluvarðhaldsúrskurð yfir Ragnari Sigurjónssyni sem nýverið var framseldur frá Tælandi eftir að hafa farið huldu höfði í fimm ár. Honum er hins vegar gert að sæta farbanni til 23. ágúst næstkomandi. Þegar Ragnar hvarf í apríl árið 1999 hafði honum verið birt ákæra í fjársvikamáli og hafði aðalmeðferð verið ákveðin. Ríkislögreglustjórinn hefur vísað málinu gegn honum til dóms að nýju. Hæstiréttur telur hins vegar óþarft að halda Ragnari í fangelsi til þess eins að tryggja návist hans í dómsmálinu. Það nægi að banna honum að fara úr landi.