Endurmæling hnitakerfis hafin

Hafin er endurmæling á hnitakerfi landsins, svo kölluðu grunnstöðvaneti. Þetta umfangsmikla verkefni hófst við mælistöð nálægt Reykholti í Borgarfirði og var Siv Friðleifsdóttir umhverfisráðherra viðstödd og hóf fyrstu mælinguna ásamt mælingamönnum frá Landmælingum Íslands. Að því loknu hófu 19 aðrir mælingahópar mælingar á 34 mælistöðvum á Norðurlandi. Í mælingahópunum eru 34 mælinga- og aðstoðarmenn sem dreifa sér um landið á 19 vel útbúnum jeppum með 35 GPS landmælingatæki. Hóparnir munu mæla staðsetningu allra mælistöðva sem voru mældar 1993 auk 11 til viðbótar. Fara þarf því á um 130 staði víðs vegar á landinu, jafnt í byggð sem í óbyggðum. Núverandi mælistöðvar sem eru 119 talsins voru mældar árið 1993, en vegna þess hve hreyfing landsins er mikil er talið nauðsynlegt að mæla allt netið á 10 ára fresti til að tryggja áreiðanleika og nákvæmni þess