Lýst eftir manni

Lögreglan á Selfossi lýsir eftir Hákoni Svani Hákonarsyni, sem hvarf af hjólhýsasvæðinu á Laugarvatni um níuleytið í gærkvöld og ekki hefur spurst til síðan. Björgunarsveitir leita hans en hafi einhver upplýsingar um ferðir hans frá því í gærkvöld eru þeir beðnir að láta lögregluna vita í síma 4801010. Hákon Svanur er 47 ára, silfurgráhærður og áberandi sólbrúnn eftir langa veru á Spáni. Hann er klæddur bláum jakka með gylltum tölum, blágráum buxum og svörtum klossum. Björgunarsveitin Ingunn á Laugarvatni var kölluð út í hádeginu í dag til að leita að Hákoni. Átta björgunarsveitarmenn taka þátt í leitinni sem beinist að næsta nágrenni við hjólhýsasvæðið. Sporhundur bætist við leitina á næstu klukkustundum.