Jefferson og Stoudemire bestir

Richard Jefferson hjá New Jersey Nets og Amare Stoudemire hjá Phoenix Suns voru valdir bestu leikmenn NBA-deildarinnar vikunnar frá 6. til 12. desember. Jefferson og félagar hans í Nets unnu 3 af 4 leikjum vikunnar og hann var stigahæstur í þeim öllum, skoraði 24,5 stig að meðaltali í vikunni, setti niður 66,7% þriggja stiga skota sinna og var einnig með 6,0 fráköst og 5 stoðsendingar í leik. Stoudemire og félagar hans í Suns unnu alla þrjá leiki vikunnar og hann skoraði í þeim 30,7 stig, tók 12 fráköst og hitti úr 64% skota sinna.