Kveikti í tveimur húsum

Húsráðendur á Vopnafirði sáu að kveikt hafði verið í gardínum í svefnherberginu þegar þeir komu heim úr ferðalagi í fyrrakvöld. Brennuvargurinn hafði kveikt í gardínum í svefnherbergi með því að teygja sig inn um opinn glugga eða með því að henda inn rokeldspýtum. Gardínurnar brunnu og duttu niður á gólf og brenndu gólfefni en svo ótrúlega vildi til að eldurinn slokknaði af sjálfsdáðum. Mikið mildi þykir að ekki hafi orðið stórtjón. Slökkviliðið á Vopnafirði réði niðurlögum elds í öðru húsi á Vopnafirði aðfaranótt sunnudags. Þar hafði verið kveikt í anddyri hússins með rokeldspýtum. Eldurinn logaði nokkuð glatt í anddyrinu og var farinn að teygja sig í húsið sjálf. Rífa þurfti af klæðningu við anddyrið til að slökkva eld sem farinn var að berast í húsið sjálft. Málið er í rannsókn lögreglunnar á Vopnafirði og Seyðisfirði.