Flugleiðir ekki til Hong Kong

Guðjón Arngrímsson, upplýsingafulltrúi Flugleiða, segir að ekki séu uppi áætlanir um að hefja áætlunarflug til Hong Kong en íslensk yfirvöld undirrituðu loftferðasamninga við Hong Kong í fyrradag. "Við leggjum áherslu á að slíkir samningar séu gerðir hvar sem því verður við komið til að geta átt þann möguleika að vinna í þá átt að eiga viðskipti við ný lönd," segir Guðjón. Hong Kong er talin næstmikilvægasta miðstöð loftflutninga í Asíu og telur Guðjón helstu tækifærin liggja í frakt og leiguflugi.