Benni gefur skátunum 400 þúsund

Bílabúð Benna hefur ákveðið að styrkja skátahreyfinguna um 400 þúsund krónur og renna peningarnir í útilífsmiðstöð skáta að Úlfljótsvatni. Útilífsmiðstöðin að Úlfljótsvatni er fræðslu- og útilífssetur. Þar eru haldin margvísleg námskeið á vegum skátahreyfingarinnar og skátar fara í útilegur á staðinn jafnt sumar sem vetur. Þá hafa skátar byggt útilífsmiðstöðina upp með það í huga að unnt sé að halda þar fjölmenn útilífsmót fyrir þúsundir þátttakenda með nauðsynlegum tjaldflötum, hreinlætisaðstöðu og margvíslegri afþreyingu. Framlag Bílabúðar Benna er í tilefni af því að um helgina mun bílabúðin sýna nýja línu Chevrolet bíla í framtíðarhúsnæði fyrirtækisins að Tangarhöfða 8, Reykjavík.