Erlent

Lofar reiðum hermönnum bættum aðstæðum

Tony Blair, forsætisráðherra Bretlands, lofaði í dag að bæta aðstæður hermanna í Bretlandi um leið og hann sagði hermönnum að þeir yrðu að halda áfram að berjast til þess að Bretar töpuðu ekki áhrifum sínum á alþjóðavísu. Þetta var í fyrsta skipti sem forsætisráðherrann viðurkennir reiði hermanna og lofar að bregðast við.

Erlent

Karlmenn 30 milljónum fleiri en konurnar

Fullorðnir kínverskir karlmenn verða 30 milljónum fleiri en konur á sama aldri innan 15 ára. Þetta orsakast af strangri stefnu stjórnvalda til að ná tökum á fólksfjölgun í Kína, með því að takmarka barneignir við eitt barn á hvert par. Kynbundnar fóstureyðingar hafa verið stundaðar markvisst síðan þá.

Erlent

Nóbelsverðlaunahafi vill ekki stjórna landinu

Mohammed Yunus, sem deildi friðarverðlaunum Nóbels með smálánabankanum Grameen sem hann stofnaði, hefur afþakkað að taka við leiðtogasæti í bráðabirgðastjórn heimalands síns Bangladesh. Tilboðið barst Yunus eftir að forseti landsins vék úr forsætisráðherraembætti í bráðabirgðastjórn landsins.

Erlent

Grikkir sprengdu bandaríska sendiráðið

Vinstrisinnaðir Grikkir sem kalla sig Byltingarliðarnir hafa lýst ábyrgð á hendur sér fyrir sprengjuárásina í Aþenu árla í morgun. Enginn særðist í sprengingunni í morgun þegar sprengu var varpað í gegnum rúðugler og sprakk hún inni á klósetti. Ekki eru miklar skemmdir á byggingunni heldur. Bandaríska sendiráðið er eitt þeirra húsa sem best er gætt í Aþenu og má búast við að frekar verði hert en slakað á öryggiskröfum nú.

Erlent

Brown gefur gott fordæmi

Gordon Brown, fjármálaráðherra Bretlands og líklegasti eftirmaður Tonys Blairs í forsætisráðherrastólnum, sagðist í dag sjálfur ætla að ganga á undan með góðu fordæmi í umhverfismálum. Brown er mjög umhugað um umhverfismál og hlýnun andrúmsloftsins og segir hann reglugerðir og stjórnvaldsákvarðanir duga skammt ef stjórnmálamenn taki ekki persónulega ábyrgð.

Erlent

Risakanínur til bjargar Norður-Kóreu

Þýskur eldri borgari sem stríðól kanínuna sína þannig að hún náði 10,5 kílóa þyngd fékk á dögunum athyglisvert atvinnutilboð frá Asíu. Hann á að rækta risakanínur sem duga átta manns í mat og þannig bjarga Norður-Kóreu frá hungursneyð. Eina vandamálið er að kanínurnar éta óhemju mikið sjálfar til að ná þessari stærð.

Erlent

Drottningin tilnefnd til BAFTA

Túlkun Helen Mirren á Elísabetu Bretadrottningu er tilnefnd til bresku kvikmyndaverðlaunanna BAFTA og myndin sjálf hlýtur flestar tilnefningar, alls tíu talsins. Þá hlýtur njósnari hennar hátignar einnig tilnefningu, Daniel Craig er tilnefndur fyrir besta aðalhlutverk karla fyrir Casino Royale. Sú mynd fær næstflestar tilnefningar, eða níu. Verðlaunin verða afhent þann 11. febrúar.

Erlent

Sleppti írökskum föngum og skaut þá síðan

Bandarískur hermaður hefur verið dæmdur í 18 ára fangelsi fyrir að hafa myrt þrjá Íraka nærri Tíkrít í maí í fyrra. Maðurinn viðurkenndi fyrir herdómstóli að hafa sleppt Írökunum þremur úr haldi og skotið þá þegar þeir hlupu í burtu.

Erlent

Ban vill loka Guantánamo-búðunum

Ban Ki-moon, nýr framkvæmdastjórI Sameinuðu þjóðanna, sagði í gær að loka ætti fangabúðum Bandaríkjamanna við Guantánamo-flóa og tók þar með undir með forvera sínum í embætti, Kofi Annan.

Erlent

Mistókst að ráða al-Qaida liða af dögum

Banaríkjamönnum mistókst að ráða þrjá háttsetta al-Qaida liða af dögum í Sómalíu með loftárásum í upphafi viku að því er AP-fréttastofan hefur eftir bandarískum embættismanni.

Erlent

Segja vinstrisinnaðan skæruliðahóp standa á bak við árás

Vinstrisinnaði skæruliðahópurinn Byltingarbaráttan er sagður hafa staðið á bak við flugskeytaárásina á bandaríska sendiráðið í Aþenu í morgun. Menn sem ekki vildu geta nafns síns hringdu í lögreglu og greindu frá því að því er almannaregluráðuneyti Grikklands greindi frá í nú morgun.

Erlent

Olíuverð heldur áfram að lækka

Hráolíuverð hélt áfram að lækka á heimsmarkaði í gær og fór tunnan niður fyrir 52 dollara vestanhafs. Leita þarf langt aftur í tímann til að finna jafn lágt verð. Talsmenn OPEC olíuútflutningsríkjanna eru sagðir hafa miklar áhyggjur af þróun mála og talið er að þeir samþykki innan tíðar að draga úr framleiðslu í þeirri von að við það muni verðið hækka á ný.-

Erlent

Stjórnlaust flutningaskip ógnar borpollum í Norðursjó

Litlu mátti muna að stórt flutningaskip með rúmlega 4000 tonn af áburði rækist á gasborpall í Norðursjó í gærkvöld eftir að vél skipsins bilaði. Mjög slæmt veður var á þeim slóðum þar sem skipið bilaði og rak það hratt í átt að borpallinum. Reyndu skipverjar að hægja á því með því að slaka niður akkeri en þurftu að draga það upp aftur þegar þeir nálguðust pallinn af ótta við að akkerið skemmdi gasleiðslur.

Erlent

Sjö af hverjum tíu andvígir því að senda fleiri hermenn

Áætlanir George Bush Bandaríkjaforseta um að senda rúmlega tuttugu þúsund hermenn til viðbótar til Íraks á næstu vikum virðast ekki hafa mikinn hljómgrunn meðal bandarísks almennings ef marka má skoðanakönnun sem AP-fréttastofan gerði eftir að Bush kynnti áætlanir sínar í fyrrakvöld.

Erlent

Flugskeyti skotið á sendiráð Bandaríkjanna í Aþenu

Flugskeyti var í morgun skotið á sendiráð Bandaríkjamanna í Aþenu í Grikklandi án þess þó að nokkurn sakaði. Eftir því sem haft er eftir grísku lögreglunni var því skotið úr húsi beint á móti sendiráðinu og lenti skeytið á salerni á þriðju hæð sendiráðsins.

Erlent

Ortega snýr aftur til valda

Enn ein vinstrikempan bættist í hóp þjóðarleiðtoga í Mið- og Suður-Ameríku á þriðjudag þegar Daniel Ortega tók við forsetambætti í Níkaragva. Hugo Chavez og Evo Morales mættu til að fagna.

Erlent

Þjóðarkreppa

Að mati forsætisráðherra Póllands stendur landið frammi fyrir „þjóðarkreppu“ eftir að nýskipaður erkibiskup sagði af sér í kjölfar þess að hafa viðurkennt að hafa sýnt öryggislögreglu kommúnistastjórnarinnar samstarfsvilja á sínum tíma.

Erlent

Dæmdur forseti í veislunni

Pétur Steinsen nemi er búsettur í Níkaragva og fylgdist vel með embættistöku Ortega. Hann segir mikla öryggisgæslu, steikjandi hita, spilltan stjórnmálamann og sigurvímu vinstrimanna hafa sett svip sinn á hátíðahöldin.

Erlent

Varað við frjókornasvifi

Óvenjuleg hlýindi það sem af er vetri valda ýmsum vanda á meginlandi Evrópu. Í Austurríki hafa ofnæmissjúklingar verið varaðir við því að frjó séu nú að þroskast á trjám sem að öllu jöfnu gerist ekki fyrr en að áliðnu vori. Og vetrardvalarstaðir í Ölpunum horfa fram á mikinn tekjumissi vegna snjóleysis.

Erlent

Hætt komin vegna reyks

Þegar sex manna fjölskylda gat ekki búið lengur inni á ættingjum og vinum hvarf hún bókstaflega ofan í jörðina.

Erlent

Heilbrigðisþjónusta fyrir alla

Arnold Schwarzenegger, ríkisstjóri Kaliforníu, byrjar nýtt kjörtímabil á tveimur afar umdeildum málum, heilbrigðisþjónustu og fangelsismálum. Það gæti komið niður á vinsældum hans frá fyrra kjörtímabili. Hyggst hann hækka lágmarkslaun og lækka verð á lyfseðilsskyldum lyfjum.

Erlent

Ræðu Bush tekið heldur fálega

Áform George W. Bush Bandaríkjaforseta um að senda 20 þúsund hermenn til Íraks í viðbót hafa fengið heldur kuldalegar móttökur frá ráðamönnum í Evrópu.

Erlent

Brak vélarinnar fannst loksins

Brak farþegaþotunnar, sem leitað hefur verið að síðan hún hvarf af ratsjám í óveðri fyrir tíu dögum, fannst í Indónesíu í fyrradag þegar sjómaður dró stórt málmstykki úr sjó í norðausturhluta Indónesíu.

Erlent

Fimm ára fangelsi

Fimm ár voru í gær liðin frá því að 20 fyrstu fangarnir komu í fangabúðirnar í herstöð Bandaríkjahers við Guantanamo-flóa á Kúbu. Í dag er næstum 400 manns haldið þar föngnum án ákæru, vegna gruns um tengsl við al-Kaída og talibana.

Erlent

Bandaríkjamenn handtaka sex Írani

Íraski herinn skýrði frá því í kvöld að alþjóðlegt herlið undir forystu Bandaríkjamanna hneppti í dag sex Írana í varðhald eftir að hafa ráðist á ræðismannsskrifstofu Írans í borginni Irbil. Bandaríski herinn sagðist hafa handtekið sex manns á sama svæði en minntist ekkert Írana eða ræðismannsskrifstofu.

Erlent

Prestur dæmdur til dauða

Hæstiréttur í Nígeríu hefur dæmt prest til dauða fyrir að hafa brennt sex konur en ein af þeim lést af sárum sínum á sjúkrahúsi. Presturinn, sem kallaður er séra Kóngur, var fundinn sekur um fimm morðtilraunir og eitt morð.

Erlent

Bloggarar metnir til jafns við fjölmiðla

Réttaryfirvöld í Washington í Bandaríkjunum hafa ákveðið að leyfa bloggurum að fylgjast með réttarhöldunum yfir Lewis Libby, fyrrum aðstoðarmanni Dick Cheney, til jafns við hefðbundna fjölmiðla. Munu þeir fá alls fjögur sæti við réttarhöldin en búist er við því að Cheney eigi eftir að bera vitni við þau.

Erlent

Mest lesið