Erlent

Fimmtán ára gömul stúlka grunuð um morð

Fimmtán ára gömul stúlka frá Newcastle var handtekin í Bretlandi í dag, grunuð um að hafa stungið 18 ára gamla konu til bana. Atvikið varð í Wallsend, rétt fyrir miðnætti í gær. Maður á fertugsaldri og kona á þrítugsaldri hafa einnig verið yfirheyrð vegna málsins og leitað er fleira fólks.

Erlent

Engin ganga til heiðurs Hess

Æðsti dómstóll í Bæjaralandi hefur staðfest bann bæjarstjórnarinnar í smábænum Wunsiedel við því að farin verði minningarganga á dánardægri nazistaforingjans Rudolfs Hess. Hess var jarðsettur þar eftir að hann framdi sjálfsmorð 17. ágúst árið 1987. Hann hafði þá setið í stríðsglæpafangelsi bandamanna í Spandau í 46 ár.

Erlent

Bjargað úr bráðri lífshættu í annað sinn á ævinni

Marcelo Cruz bjargaðist giftusamlega úr bráðri lífshættu í annað sinn á ævi sinni þegar Minneapolis brúin hrundi í vikunni. Fyrir sjö árum taldi lögreglan í Norður-Karolínu Cruz af eftir að hann hafði orðið fyrir skoti í vopnuðu ráni. Hann hélt lífi en lamaðist frá mitti.

Erlent

Ein af ráðgátum Titanic slyssins leyst

Ein af stærstu ráðgátum Titanic slyssins er nú loksins leyst. Búið er að bera kennsl á eins árs dreng sem fannst látinn á reki í sjónum sex dögum eftir að skipið sökk árið 1912. Hann var breskur, og hét Sidney Leslie Goodwin. Talið er að 1512 manns hafi farist með Titanic, en aldrei hefur tekist að negla niður ákveðna tölu.

Erlent

Ítölsk mamma kvartar yfir „litla" stráknum sínum

Sikileysk móðir tók húslykilinn af syni sínum, skrúfaði fyrir vasapeningana hans og keyrði hann á lögreglustöð bæjarins þegar hann kom of seint heim eitt kvöldið. Þetta væri ekki frásögur færandi ef ekki væri fyrir þá staðreynd að „litli strákurinn" er á sjötugsaldri.

Erlent

Skyggni í Mississippi á aðeins 30 sentímetrar

Leit kafara að fórnarlömbum í rústum brúarinnar yfir Mississippi ána var í nótt frestað, vegna hættulegra aðstæðna. Skyggni í ánni nemur aðeins um þrjátíu sentímetrum. Samkvæmt gögnum bandaríska samgönguráðuneytisins er um fjórðungur bandarískra brúa talin úreltur.

Erlent

Rússar vilja auka viðbúnað sinn á Miðjarðarhafinu

Yfirmaður rússneska flotans segir að Rússar eigi að láta meira til sín taka á Miðjarðarhafinu. Ummælin hafa vakið nokkra athygli í ljósi þess að Rússland liggur hvergi að hafinu og því ekki ljóst hvar rússneskur Miðjarðarhafsfloti ætti að hafa bækistöð.

Erlent

Frakkar selja Líbýu eldflaugar

Líbýumenn og Frakkar hafa gert með sér vopnasölusamning sem gerir ráð fyrir því að Líbýa kaupi franskar eldflaugar sem ætlað er að granda skriðdrekum. Þetta mun vera fyrsti vopnasamningurinn sem vestrænt ríki gerir við Líbýu eftir að viðskiptabanni á landið var aflétt árið 2004.

Erlent

Um 150 manns látið lífið í flóðum

Að minnsta kosti 150 manns hafa látið lífið og um 20 milljónir þurft að flýja heimili sín vegna mikilla flóða sem nú geysa í suðaustur Asía. Ár hafa flætt yfir bakka sína og mikil landsvæði farið undir vatn.

Erlent

Freista þess að ná samkomulagi í Darfur

Talsmenn uppreisnarmanna í Darfur eru væntanlegir til Tansaníu í dag til þess að taka þátt í viðræðum sem Sameinuðu þjóðirnar standa fyrir. Uppreisnarmennirnir ætla að freista þess að ná samkomulagi sín í milli áður en formlegar friðarviðræður við stjórnvöld í Súdan hefjast.

Erlent

Er Madeleine í Belgíu?

Lögreglan í Belgíu rannsakar nú fréttir þess efnis að Madeleine McCann, litla stúlkan sem hvarf af hótelherbergi í Portúgal kunni að vera í landinu. Belgísk kona hafði samband við lögreglu eftir að hún sá stúlku á veitingastað nálægt Maastricht sem hún sagði hafa verið sláandi líka Madeleine.

Erlent

Líkamsleifar seldar til galdraiðkunar

Yfirvöld í Mósambík hafa handtekið þrjá aðila vegna meintrar aðildar þeirra að viðskiptum með líkamshluta. Málið tengist morðum og limlestingum á sjö konum og einu barni í Cabo Delgado héraðinu sem framin voru í vikunni.

Erlent

Tilræðismaður lést af völdum brunasára

Kafeel Ahmed, annar mannanna tveggja sem keyrði bíl á flugstöðvarbygginguna í Glasgow þann 30. júní síðastliðinn, lést í kvöld af völdum sára sinna. Að sögn talsmanna lögreglunnar í Starthclyde brenndist maðurinn mjög illa þegar kviknaði í bílnum og var hann með brunasár á yfir 90% af líkamanum þegar hann var handtekinn.

Erlent

Eldingar verða rúmlega hundrað manns að bana í Kína

Eldingar í Kína urðu 141 að bana í júlí. Þetta er mesta mannfall af völdum eldinga síðan mælingar hófust í landinu árið 2000. Æðsti embættismaður veðurathugana í Kína kennir hlýnun jarðar um hið öfgakennda árstíðarbundna veðurfar.Um sjö hundruð manns hafa dáið vegna flóða á meðan milljónir annarra hafa búið við þurrk.

Erlent

Talibanar samþykkja að ræða örlög suður-kóresku gíslanna

Talibanarnir sem hafa 21 suður-kóreskan gísl í haldi hafa samþykkt að hitta suður-kóreska embættismenn augliti til auglitis til að ræða örlög gíslanna sem þeir haf haft í haldi í tvær vikur. Staðsetning fundarins hefur ekki verið ákveðin en talibanarnir neituðu að hitta embættismennina þar sem Nato hersveitir væru staðsettar.

Erlent

Bandaríska þingið samþykkir hertar siðareglur

Bandaríska þingið samþykkti í dag að herða siðareglur þingmanna með það að markmiði að minnka áhrif þrýstihópa á þingið. Frumvarpið var samþykkt níu mánuðum eftir að Demókratar náðu völdum í bandaríska þinginu í kjölfar hneykslismála sem mörg snertu Repúblikana.

Erlent

Rússar reyna að eigna sér svæði undir norðurpólnum

Rússar urðu í dag fyrstir til að komast á kafbáti á hafsbotninn undir norðurpólnum. Tilgangur ferðarinnar var að eigna sér svæðið, en þar er möguleiki á að finna bæði olíu og gas. Utanríkisráðherra Kanada finnst lítið til ferðarinnar koma.

Erlent

Bjargaði lífi mæðgna

Íslenskur karlmaður bjargaði lífi mæðgna þegar brú yfir Mississippifljót í Minneapolis í Bandaríkjunum gaf sig á háannatíma í gærkvöldi. Tugir bíla voru á brúnni þegar hún brast og myndaðist skelfingarástand þegar fólkið reyndi að koma sér úr bílum sínum og synda í land.

Erlent

Skipt um óþéttan loka í Endeavour

Bandaríska geimferðastofnunin NASA tilkynnti á miðvikudaginn að skipta ætti um óþéttan loka í geimferjunni Endeavour. Áætlað er að skjóta ferjunni á loft næsta þriðjudag.

Erlent

Dánartalan hækkar

Fleiri lík hafa fundist í kjölfar þess að brú hrundi í Minneapolis í Bandaríkjunum í gærkvöldi. Staðfest hefur verið að fjóri séu látnir en Reuters fréttastofan hefur eftir lögreglustjóranum í borginni að fleiri hafi fundist látnir á slysstaðnum. Hann vildi þó ekki segja hve mörg lík hefðu fundist til viðbótar.

Erlent

Lögreglustjóri Lundúna hreinsaður af ásökunum

Lögreglustjóri Lundúna hefur verið hreinsaður af ásökunum um að hafa logið að almenningi í tengslum við dauða Jean Charles de Menezes. De Menezes var skotinn til bana af lögreglumönnum. Skýrslan kemst hins vegar að þeirri niðurstöðu að aðstoðarlögreglustjórinn Andy Hayman hafi villt um fyrir almenningi.

Erlent

Gen örvhentra líklega fundið

Vísindamenn hafa í fyrsta skipti uppgötvað gen sem virðist auka líkur á að fólk verði örvhent. Genið LRRTM1 virðist gegna lykilhlutverki í að stjórna því hvaða hluti heilans stýrir starfsemi á borð við mál og tilfinningar samkvæmt rannsókninni.

Erlent

Varað við flóðbylgju í Japan

Einn lést þegar jarðskjálfti sem var 6,4 á Richter skók kyrrahafseyjuna Sakhalin í Rússlandi, norður af Japan. Engar meiriháttar skemmdur urðu á mannvirkjum. Flóðbylgjuviðvörun var í kjölfarið gefin út fyrir Hokkaídoeyju við Vesturströnd Japans. 20 centimetra bylgja hefur komið á land nú þegar, og er búist við stærri bylgjum.

Erlent

Mattel afturkallar Ficher Price leikföng

Mattel leikfangaframleiðandinn ætlar að endurkalla eina og hálfa milljón Ficher Price leikfanga vegna gruns um að málning sem þau eru skreytt með innihaldi of mikið blý . Leikföngin voru framleidd í verskmiðju í Kína, sem Mattel hefur skipt við í minnst fimmtán ár. Blý í málningu er talið geta valdið fjölda heilsuvandamála hjá börnum, svo sem námsörðugleika og heilaskemmda.

Erlent

Minnst sjö látnir og sextíu slasaðir eftir brúarslys

Minnst sjö eru látnir eftir að átta akreina brú í Minnesota hrundi í gærkvöld á háannatíma, með þeim afleiðingum að fjöldi bíla steyptist niður í Mississippi ána. Unnið hefur verið að viðgerð brúarinnar undanfarna mánuði.

Erlent

Brú hrundi í Mississippi fljót

Brú yfir Mississippi ána sem bar meginumferðaræð í Minneapolis í Bandaríkjunum féll í ána á aðalumferðartíma síðdegis. Fjöldi bíla, vitni segja allt að 150, þar á meðal skólarúta, voru á brúnni og lentu margir þeirra í ánni. Að minnsta kosti þrír eru látnir. Brúarhafið í heild gaf eftir. Heimavarnarráðuneyti Bandaríkjanna segir í tilkynningu að ekki sé um hryðjuverk að ræða. Framkvæmdir stóðu yfir við brúna eftir að steypuskemmdir komu í ljós á henni í athugun 2006. Um 200,000 bílar fara yfir brúna daglega. Þetta var stálbogabrú, smíðuð 1967.

Erlent

Mannræningjarnir höfðu leitað að fórnarlömbum um nokkurt skeið

Talibanahópurinn, sem hefur tuttugu og einn suður-kóreskan gísl á valdi sínu, hafði verið að leita að fórnarlömbum um nokkurt skeið, eða frá því að æðsti maður hópsins, Daro Kahn, var handtekinn af bandarískum hermönnum í Qarabagh-héraðinu í júní. Þetta kemur fram í viðtali við einn af æðstu mönnum hópsins sem tímaritið Newsweek birtir í dag.

Erlent

Afrit af samskiptum brasilísku flugmannanna birt

Afrit af síðustu sekúndum samskipta flugmannanna tveggja sem voru við stjórnvölinn þegar versta flugslys í brasilískri sögu átti sér stað var í dag lesið upp fyrir rannsóknarnefnd brasilíska þingsins. Samkvæmt upptökum úr flugvélinni kallaði annar flugmanna að hægja þyrfti ferðina en hinn svaraði því til að hann gæti það ekki.

Erlent

Mest lesið