Erlent

Sprengjuárásir í Afganistan halda áfram

Sprengjuárásir í Afganistan halda áfram af fullum krafti. Sjálfsmorðssprengjumaður drap níu manns og særði tíu þegar hann sprengdi upp bíl sinn í morgun við Jalalabad flugvöllinn í austurhluta Afganistan.

Erlent

Meryl Streep fékk loksins Óskar eftir 30 ára bið

Franska kvikmyndin Listamaðurinn hlaut þrjú af helstu verðlaununum á Óskarsverðlaunahátíðini í Los Angeles í nótt. Leikkonan Meryl Streep fékk loksins Óskarsverðlaun eftir 30 ára bið en hún hefur verið tilnefnd 13 sinnum til þeirra síðan hún vann síðast.

Erlent

Mandela er talinn á batavegi

Nelson Mandela, fyrrum forseti Suður-Afríku, var útskrifaður af spítala í heimaborg sinni Jóhannesarborg í gærmorgun. Hann undirgekkst aðgerð síðdegis í gær eftir að hafa fundið til kviðverkja.

Erlent

Nepali minnstur í heimi - er einungis 55 sentimetrar

Chandra Bahadur Dangi, sjötíu og tveggja ára, Nepali hefur verið útnefndur minnsti maður í heimi en hann er einungis 55 sentimetrar að hæð. Dangi segist himinlifandi með nýja titilinn en hann segist ætla að nýta hann til þess að kynna land sitt og þjóð.

Erlent

Kosningar í skugga blóðugra átaka

Sýrlendingar ganga til atkvæða um nýja stjórnarskrá í dag en hún er tilraun stjórnvalda til að reyna að stöðva átökin í landinu. Það sem af er degi hafa á fjórða tug látið lífið í borginni Homs.

Erlent

Nelson Mandela útskrifaður af spítala

Nelson Mandela, fyrrum forseti Suður-Afríku, var útskrifaður af spítala í heimaborg sinni Jóhannesarborg morgun. Forsetinn fyrrverandi undirgekkst aðgerð síðdegis í gær eftir að hann fann til kviðverkja. Yfirvöld segja að honum líði nú vel en ekki er vitað nákvæmlega hvað það var sem hrjáði hann. Heilsu Mandela, sem er níutíu og þriggja ára, hefur hrakað mjög síðustu ár en lítið hefur farið fyrir honum undanfarið.

Erlent

Mikil spenna fyrir Óskarnum

Afhending Óskarsverðlaunanna fer fram í kvöld, en það eru ævintýramyndin Hugo og þögla myndin The Artist sem tilnefndar eru í flestum flokkum.

Erlent

The Sun kom út í morgun - í fyrsta skiptið á sunnudegi

Breska síðdegisblaðið The Sun kom út í fyrsta skiptið á sunnudegi í morgun, sem í reynd tekur við sunnudagsblaðinu News of the World, sem var lagt niður síðasta sumar vegna harðar gagnrýni á vinnubrögð blaðamanna. Sunnudagsútgáfan var prentuð í þremur milljónum eintaka en útgáfufélagið News International hefur boðað breytt vinnubrögð að þessu sinni, það verði farið að lögum við öflun frétta. Á forsíðu blaðsins í dag er leikkonan Amanda Holden þar sem hún lýsir því hversu erfið fæðingin var þegar hún fæddi dóttur sína. Hún hafi verið við dauðans dyr.

Erlent

Leita byssumanns sem skaut tvo bandaríska hermenn

Yfirvöld í Afganistan leita nú að tuttugu og fimm ára foringja úr leyniþjónustu landsins vegna skotárásar í innanríkisráðuneytinu í höfuborginni Kabúl í gærdag. Þar voru tveir bandarískir foringjar úr sveitum NATÓ skotnir til bana af stuttu færi. Maðurinn, Abdul Saboor, flúði ráðuneytið stuttu eftir árásina en hann er talinn hafa skotið bandaríkjamennina tvo. Ættingjar mannsins hafa verið handteknir og leit gerð á heimili hans en hann var ekki þar þegar lögreglumenn réðust til atlögu í gærkvöldi. Allir starfsmenn NATÓ í Afganistan hafa verið látnir yfirgefa ráðuneytinu í landinu í öryggisskyni. Blóðug mótmæli hafa verið í höfuðborginni síðustu daga eftir að bandarískir hermenn brenndu óvart Kóraninn með rusli.

Erlent

Sprengdi sig í loft upp fyrir utan forsetahöllina

Að minnsta kosti tuttugu og sex fórust þegar að bílsprengja sprakk í suður-Jemen í dag. Maður ók pallbíl fullan af sprengiefnum upp að aðaldyrum forsetahallarinnar í borginni Mukalla og sprengdi bílinn í loft upp. Flestir hinna látnu eru sérsveitarmenn. Árásin var gerð á sama tíma og Abed Mansour Hadi sór embættiseið sem ný forseti landsins en hann tók í dag við völdum af Ali Abdullah Saleh sem réð landinu í þrjátíu og þrjú ár en samþykkti að víkja til að binda enda á kröftug mótmæli sem geisað hafa í landinu síðustu vikur og mánuði.

Erlent

Starfsmenn NATÓ látnir yfirgefa öll ráðuneyti í Kabúl eftir skotárás

Tveir bandarískir foringjar úr sveitum Atlantshafsbandalagsins voru skotnir til bana í innanríkisráðuneytinu í Kabúl, höfuðborg Afganistan í morgun. Æðsti yfirmaður hersveita Nató í Afganistan hefur látið allt starfsfólk sitt yfirgefa öll ráðuneytinu í landinu í öryggisskyni eftir skotárásina. Samkvæmt frétt breska ríkisútvarpsins heyrðust átta skot innan úr ráðuneytinu en hermt er að foringjarnir tveir hafi verið skotnir eftir hávaða rifrildi. Fjöldi manns hefur mótmælt á götum úti í Kabúl síðustu daga eftir að bandarískir hermenn brenndu óvart nokkur eintök af Kóraninum með rusli.

Erlent

Mandela fór í aðgerð - líklega útskrifaður á morgun

Nelson Mandela, fyrrum forseti Suður-Afríku, undirgekkst aðgerð í morgun eftir að hann fann til kviðverkja í heimaborg sinni Jóhannesarborg. Samkvæmt fréttavef breska ríkisútvarpsins er ástand hans nú stöðugt og er hann farinn geta talað. Búist er við að hann verði útskrifaður af spítalanum á morgun. Heilsu Mandela, sem orðinn er nítíu og þriggja ára, hefur hrakað mjög síðustu ár. Mandela sást síðast opinberlega á heimsmeistaramótinu í knattspyrnu í heimalandi sínu árið 2010 en síðustu átta ár hefur lítið farið fyrir honum.

Erlent

Springur úr hlátri þegar blað er rifið

Micah McArthur er einungis átta mánaða gamall en er orðin heimsfræg á veraldarvefnum. Í meðfylgjandi myndskeiði sést faðir hans rífa í sundur blað og springur þá Micah gjörsamlega úr hlátri. Myndskeiðið hefur farið eins og eldur um sinu á vefnum og hafa yfir 38 milljónir manna horft á það. Hægt er að horfa á myndskeiðið með því að smella á hlekkinn hér að ofan.

Erlent

Mandela fluttur á spítala

Nelson Mandela, fyrrum forseti Suður-Afríku, var í morgun fluttur á spítala í skyndi vegna kviðverkja í heimaborg sinni Jóhannesarborg. Heilsu Mandela, sem orðinn er nítíu og þriggja ára, hefur hrakað mjög síðustu ár. Mandela sást síðast opinberlega á heimsmeistaramótinu í knattspyrnu í heimalandi sínu árið 2010 en síðustu átta ár hefur lítið farið fyrir honum.

Erlent

Konur og börn flutt frá Homs

Konur og börn voru flutt burt frá úthverfi sýrlensku borgarinnar Homs í gær en þá komust starfsmenn Rauða krossins og Rauða hálfmánans á staðinn. Sprengjuregn hefur dunið á hverfinu undanfarið og eru slasaðir blaðamenn meðal þeirra sem bíða flutnings.

Erlent

Óeirðir eftir að Nike kynnti nýja skó

Rúmlega eitt hundrað lögreglumenn voru kallaðir til þegar óeirðir brutust út í Orlando í Flórída. Fólkið gat ómögulega beðið eftir miðnæturopnun skóbúðar sem seldi nýjust körfuboltaskóna frá Nike.

Erlent

Maður beit bíl í Flórída

Karlmaður í Flórída í Bandaríkjunum beit lögreglubíl eftir að hafa verið handtekinn fyrir óspektir á almannafæri. Talið er að maðurinn hafi verið undir áhrifum baðsalts.

Erlent

Mest lesið