Erlent

Fréttamynd

Rekinn úr Hjálpræðishernum fyrir samkynhneigð

Hjálpræðisherinn í Noregi virðist ekki reiðubúinn að styðja við bakið á hverjum sem er, til dæmis ekki einum starfsmanni hersins sem starfað hefur innan hans í áratugi. Maðurinn var rekinn fyrir að vera samkynhneigður.

Erlent
Fréttamynd

Omri Sharon semur við saksóknara vegna spillingarmáls

Elsti sonur Ariels Sharons, forsætisráðherra Ísraels, sem ákærður er fyrir spillingu í tengslum við fjáröflun fyrir kosningabaráttu föður síns hefur náð samkomulagi við saksóknara. Omri Sharon er gefið að sök að hafa komið á fót gervifyrirtækjum til þess að dylja ólögleg framlög í kosningasjóð föður hans fyrir leiðtogakosningar í Likud-bandalaginu árið 1999, en Sharon eldri sigraði í kosningunum og varð í kjölfarið forsætisráðherra Ísraels.

Erlent
Fréttamynd

Lentu á Spáni

Samskipti Spánar og Bandaríkjanna munu skaðast ef í ljóst kemur að leyniþjónustan CIA hafi millilent á laun á Spáni með meinta hryðjuverkamenn. Þetta segir innanríkisráðherra Spánar sem hefur farið fram á rannsókn um málið.

Innlent
Fréttamynd

Dæmd í 30 ára fangelsi

Kona var í dag dæmd í 30 ára fangelsi í Colorado í Bandaríkjunum, fyrir að hafa haft mök við unglingsdrengi í partíum þar sem áfengi og fíkniefni voru höfð um hönd. Konan, sem er 41 árs gömul, sagðist aldrei hafa verið vinsæl meðal bekkjarsystkina sinna þegar hún var í skóla. Í fyrsta skipti hafi henni liði sem einni af hópnum.

Erlent
Fréttamynd

Þingmaður kærir dreifingu klámmyndar af sér

Það hefur heldur betur færst fjör í leikinn í sveitastjórnarkosningunum sem fram fara í Danmörku í dag. Þingmaður Þjóðarflokksins, Louise Frevert sem býður sig fram til borgarstjóraembættis í Kaupmannahöfn, hefur kært dreifingu plakata sem sýnir grófa klámmynd af henni.

Erlent
Fréttamynd

Úrkomumet í Björgvin í gær

Úrkomumet var slegið í Björgvin í Noregi í gær, en þá mældist úrkoma frá því klukkan sjö á sunnudagskvöldið til klukkan sjö í gærkvöld 134,2 millímetrar. Gamla metið í bænum var frá árinu 1917 og var 122 millímetrar. Gríðarlega úrkoma var víða á vesturströnd Noregs í gær og mældist hún mest í Takle í Sogn- og Fjarðafylki en þar var úrkoman 198,5 millímetrar á sólarhring.

Erlent
Fréttamynd

Atvinnutækifæri ungs fólks aukin í Frakklandi

Ríkisstjórn Frakklands hefur heitið því að auka atvinnutækifæri ungs fólks á næstu árum til að koma í veg fyrir óeirðir á borð við þær sem hafa verið í landinu síðustu þrjár vikur. Stefnt er að því að 50 þúsund ungmenni fái þjálfun árið 2007 sem á að auka líkur þeirra á að fá vinnu.

Erlent
Fréttamynd

40 milljónir piparsveina í Kína árið 2020

Ójafnvægi á hlutfalli kynjanna heldur áfram að aukast í Kína vegna þeirrar stefnu stjórnvalda um hjón megi aðeins eignast eitt barn. Nú fæðast 119 strákar á móti hverjum 100 stelpum og árið 2020 má gera ráð fyrir að kínverskir piparsveinar verði allt að fjörtíu milljónir manns.

Erlent
Fréttamynd

Mikill eldsvoði í Kaupmannahöfn

Betur fór en á horfðist þegar mikill eldsvoði varð í fjölbýlishúsi í Amager-hverfinu í Kaupmannahöfn í gærkvöld. Um 200 manns þurftu að yfirgefa heimili sín vegna eldsins. Aðeins einn maður er sagður hafa slasast en fjöldi íbúa var fluttur á sjúkrahús vegna gruns um reykeitrun.

Erlent
Fréttamynd

Óeirðirnar eru þjóðarmein

Franska ríkisstjórnin ákvað í gær að framlengja neyðarlögin í landinu fram í febrúar á næsta ári. Jacques Chirac forseti sagði í sjónvarpsávarpi í gærkvöld að óeirðirnar í landinu að undanförnu bæru sjúkum þjóðarlíkama vitni.

Erlent
Fréttamynd

Sáttmálinn samþykktur

Félagar í þýsku kristilegu flokkunum og Jafnaðarmannaflokkinum samþykktu með drjúgum meirihluta stjórnarsáttmála sem forystumenn flokkanna þriggja undirrituðu á föstudag.

Erlent
Fréttamynd

Ásakanir um hassreykingar

Þingkosningar fara fram á Grænlandi í dag en óhætt er að segja að kosningabaráttan hafi verið fjörleg í meira lagi. Siumut-flokkurinn og Inúítaflokkurinn hafa setið í landsstjórninni undanfarið kjörtímabil.

Erlent
Fréttamynd

Kjarnorkuver var skotmarkið

Lögregluyfirvöld í Ástralíu telja að mennirnir sem handteknir voru í Sydney og Melbourne í síðustu viku vegna gruns um hryðjuverkaárás hafi ætlað að sprengja upp Lucas Heights-kjarnaofninn í Nýja Suður-Wales. Alls voru átján manns handteknir en lögregla hafði stöðvað þrjá þeirra nærri verinu í desember 2004.

Erlent
Fréttamynd

Efast um tengsl við al-Kaída

Vart er talað um annað í Jórdaníu en Sajida Mubarak Atrous al-Rishawi sem játaði í sjónvarpsútsendingu að vera fjórði árásarmaðurinn í hryðjuverkunum í Amman í síðustu viku þar sem 57 manns létu lífið.

Erlent
Fréttamynd

Bilun í Mínervu

Japanska geimferðastofunin hefur misst samband við geimkannann Mínervu sem var skotið frá móðurfari sínu, Hayabusa, á laugardag. Mínerva átti að lenda á loftsteininum Itokowa í æfingarskyni fyrir lendingu Hayabusa, sem á snemma í desember að hafa tekið sýni af yfirborði steinsins áður en það snýr aftur til jarðar.

Erlent
Fréttamynd

Bjerregaard er sigurstrangleg

Sveitarstjórnarkosningar verða haldnar í Danmörku í dag. Baráttan um borgarstjórastólinn í höfuðborginni hefur verið fjörug enda litríkt fólk í kjöri.

Erlent
Fréttamynd

Hlupu upp á toppinn á Sears-turninum

Það eru 2109 þrep úr andyrinu á Sears-turninum í Chicago og upp á útsýnispallinn á 103. hæð. Í gærmorgun ákváðu ríflega þúsund manns að taka ekki lyftuna heldur fara upp stigann og það hlaupandi. Allt er þetta reyndar gert í góðgerðaskyni því verið er að safna fé fyrir krabbameinsrannsóknarstofnun.

Erlent
Fréttamynd

Fordæmdu vestræna menningu

Þúsund múslímar sem tilheyra hreyfingu sem kallast Hizb-ut-Tahrir komu saman í Kaupmannahöfn í gær til ársþings. Þeir fordæmdu þar gjörspillta, vestræna menningu og hvöttu stuðningsmenn sína í Danmörku til að taka ekki þátt í lýðræðislegum sveitastjórnarkosningum á morgun.

Erlent
Fréttamynd

Fundu eiturílát í Bodensee

Þýska lögreglan rannsakar nokkur ílát með hættulegu skordýraeitri sem fundust í Bodensee nýlega. Bodensee er vatnsból nærri fimm milljóna íbúa í Þýskalandi, Austurríki og Sviss. Bóndi nokkur er grunaður um að hafa sett eiturílátin í vatnið en hótanir höfðu borist yfirvöldum áður en þau fundust. Bóndanum ku hafa fundist hann beittur einhvers konar órétti.

Innlent
Fréttamynd

Schröder kveður Jafnaðarmannaflokkinn

Það var tilfinningaþrungin stund þegar Gerhard Shcröder, fráfarandi kanslari Þýskalands, kvaddi félaga sína í þýska jafnaðarmannaflokknum í Karlsruhe í dag um leið og þeir greiddu atkvæði um stjórnarsáttmálann sem gerður var við Kristilega demókrata og Kristilega sósíalsambandið fyrir helgi.

Erlent
Fréttamynd

Þrír látnir eftir sjálfsmorðsárásir í Kabúl

Að minnsta kosti þrír hafa látist í tveimur bílsprengjuárásum í Kabúl, höfuðborg Afganistans, í dag. Friðargæsluliði á vegum NATO og grunaður sjálfsmorðsárásarmaður létust og fjórir særðust í fyrri sprengingunni í austurhluta borgarinnar og þá lést einn þegar sprengja sprakk í bíl í vegkanti í borginni.

Erlent
Fréttamynd

Stjórnarsáttmáli samþykktur í Þýsklalandi

Félagar í bæði Jafnaðarmannaflokknum og Kristilega sósíalsambandinu, systurflokki Kristilegra demórkata í Þýskalandi, hafa samþykkt með miklum meirihluta stjórnarsáttmála sem forystumenn flokkanna þriggja undirrituðu á föstudag. Fyrr í dag samþykktu kristilegir demókratar sáttmálann og því er ekkert því til fyrirstöðu að Angela Merkel taki við sem nýr kanslari Þýskalands.

Erlent
Fréttamynd

Einn látinn eftir aurskriður í Noregi

Einn maður hefur fundist látinn eftir að skriða féll á hús í Aasane í Björgvin í Vestur-Noregi í dag, en þar er nú mikið úrhelli. Jafnvel er búist við að úrkomumet verði sett í dag.

Erlent
Fréttamynd

Danaprins skírður í janúar

Nýfæddur Danaprins, sonur Friðriks krónprins og Mary krónprinsessu, verður skírður 21. janúar næstkomandi. Litli prinsinn verður skýrður í Christiansborgar kirkju sem gjarnan er notuð af konungsfjölskyldunni við hátíðleg tilefni.

Erlent
Fréttamynd

CIA reyndi að leyna dauða fanga

Bandaríska leyniþjónustan CIA reyndi að leyna dauða íraksks fanga, sem lét lífið við yfirheyrslur í Abu Ghraib fangelsinu í Írak þar sem honum var haldið án dóms og laga. Frá þessu greinir bandaríska fréttatímaritið Time en blaðið komst yfir fjölda skjala vegna málsins, þar á meðal krufningarskýrslu.

Erlent

Mest lesið