Fleiri fréttir

Frestun S&P kann að hafa lækkað skuldatryggingaálagið

Greining Íslandsbanka segir að svo kunni að vera að jákvæð tíðindi á borð við framlengingu frests Standard&Poor´s (S&P) á því að taka ákvörðun um lánshæfiseinkunn Íslands og aukinn stuðning við málstað landsins í Icesave á erlendri grundu hafi einhver áhrif á lækkandi skuldatryggingaálags ríkissjóðs.

Lögregla rannsakar á ný sölu SPRON-bréfa

Efnahagsbrotadeild ríkislögreglustjóra hefur nú fjögur mál til rannsóknar tengd sölu stjórnarmanna og tengdra aðila á stofnfjárbréfum í SPRON sumarið 2007 vegna gruns um innherjaviðskipti, samkvæmt upplýsingum fréttastofu.

Valitor sendir ný kort til 1.200 korthafa

Greiðslukortafyrirtækið Valitor hefur sent ný kort til tólf hundruð korthafa fyrirtækisins til að koma í veg fyrir að eldri kortin þeirra verði misnotuð.

Seðlabankastjóri Hollands sakar íslensk stjórnvöld um lygar

Nout Wellink aðalbankastjóri Seðlabanka Hollands segir að íslensk stjórnvöld hafi logið að hollenskum stjórnvöldum um fjárhagsstöðu íslensku bankanna árið 2008. Þetta kom fram í máli Wellink þegar hann kom fyrir hollensku þingnefndina sem rannsakar fjármálakreppuna í morgun.

Nýskráningum bifreiða heldur áfram að fækka

Í janúar síðastliðnum voru nýskráðir 133 bílar hér á landi sem er fækkun upp á 43% frá sama mánuði 2009. Þannig voru nýskráðir 235 bílar í janúar fyrir ári en þess má geta að þá hafði þeim fækkað um 89% frá sama tíma 2008. Þetta kemur fram í tölum sem Umferðastofan hefur birt um nýskráningar bifreiða.

Segir lánamálum Saxbygg snúið á haus

Framkvæmdarstjóri Saxbygg, Björn Ingi Sveinsson, hefur sent frá sér yfirlýsingu vegna fréttar Fréttablaðsins um dómsmál sem skiptastjóri félagsins hefur höfðað vegna viðskipta félagsins við félög því tengdu.

Þrír erlendir aðilar fá að bjóða áfram í Sjóvá

Fyrirtækjaráðgjöf Íslandsbanka hf. hefur borist 12 óskuldbindandi tilboð í hlutafé Sjóvár Almennra trygginga hf. Í flestum tilvikum er boðið í allt hlutafé félagsins. Þar af voru þrír erlendir aðilar og fá Þeir allir að taka þátt í áframhaldandi söluferli.

Yfir 10 milljarðar lagðir inn eftir slökun gjaldeyrishafta

Á þeim þremur mánuðum sem liðnir eru frá því að fyrsta skrefið í afnámi gjaldeyrishaftanna var stigið hafa tæplega 5 milljarðar kr. verðir lagðir hér inn á bankareikninga og tæplega 4,5 milljarðar kr. verið varið til að fjárfesta í atvinnurekstri. Rúmir 0,9 milljarðar kr. hafa farið í hlutabréfakaup og rúmir 0,2 milljarðar kr. í fasteignakaup. Samtals hafa því borist tæpir 10,6 milljarðar kr. í formi nýfjárfestinga á þessu tímabili.

Össur hagnaðist um 30 milljónir á sölunni

Össur Skarphéðinsson utanríkisráðherra segist hafa selt bréf í SPRON fyrir 62 milljónir árið 2007. Hann hafi hagnast um 30 milljónir króna á sölunni og hafi greitt af því fjármagnstekjuskatt fyrir það ár.

Kauphöllin tekur upp tífalt hraðara viðskiptakerfi

Kauphöllin mun á mánudaginn innleiða nýtt viðskiptakerfi, INET, sem hefur verið notað á NASDAQ markaðnum síðan 2007. INET er tílfalt hraðara en núverandi viðskiptakerfi (SAXESS) og annar miklu meira magni af viðskiptum.

Íslandssjóðir með bestu ávöxtun í ríkisskuldabréfum

Ríkisverðbréfasjóðir Íslandssjóða, Ríkisskuldabréf - Sjóður 5 og Löng ríkisskuldabréf - Sjóður 7, hafa skilað bestu ávöxtun sambærilegra sjóða yfir nánast öll samanburðartímabil miðað við gengi 30. desember 2009. Þetta kemur fram í óháðum samanburði allra verðbréfasjóða á vefsíðunni www.sjodir.is.

Danskir fjárfestar ánægðir með uppgjör Össurar

Danir hafa tekið ársuppgjöri Össurrar hf. vel í morgun en hlutir í Össurri hafa hækkað um rétt tæp 10% frá opnun kauphallarinnar. Hlutirnir stóðu í 6,50 dönskum kr. en eru í augnablikinu skráðir á 7.20 dönskum kr.

Hlutabréf í Toyota hrynja í verði

Hlutabréf í Toyota hafa fallið gríðarlega á hlutabréfamarkaðnum í Tokyo og hafa ekki verið lægri í tíu mánuði. Ástæðan er rakin til mikilla umræðna um öryggi Toyota bifreiðanna.

Eigendur Saxbygg lánuðu sjálfum sér 5,3 milljarða

Skiptastjóri þrotabús fjárfestingarfélagsins Saxbygg hefur stefnt fyrri eigendum fyrirtækisins vegna sölu á erlendum fasteignaverkefnum til félaga þeim tengdum, lánveitingum Saxbygg til eigenda og ráðstöfunar eigna til fyrirtækja þeim tengdum.

Sólin skín fékk þrjá milljarða frá Baugi án veða

Glitnir gerir kröfu upp á 8 milljarða króna í félagið Sólin skín, sem var eigu Baugs, Fons, Glitnis og Kevins Stanfords. Baugur Group lánaði fyrirtækinu þrjá milljarða króna án nokkurra trygginga. Sólin skín er gjaldþrota og fullkomlega eignalaust.

Gengi hlutabréfa Færeyjabanka hækkaði mest

Gengi hlutabréfa Færeyjabanka hækkaði um 3,4 prósent í Kauphöllinni í dag og bréf Marels um 1,49 prósent. Þá hækkaði gengi bréfa Century Aluminum, móðurfélags Norðuráls, um 2,8 prósent.

BM Vallá fær heimild til greiðslustöðvunar

Í dag, miðvikudaginn 3. febrúar, var BM VALLÁ hf. veitt heimild til greiðslustöðvunar svo unnt verði að ljúka fjárhagslegri endurskipulagningu félagsins. Undanfarið ár hefur starfsfólkið unnið hörðum höndum að endurskipulagningu félagsins með víðtækum sparnaðar- og hagræðingaraðgerðum í góðri samvinnu við helstu lánadrottna félagsins.

Mun birta samninga við stjórnir bankanna

Bankasýsla ríkisins mun gera samninga við stjórnir þeirra fjármálafyrirtækja sem ríkið verður ráðandi hluthafi í um markmið í rekstri og verða þessir samningar birtir innan tólf mánaða frá gerð þeirra.

Kauphöllin: Skoða verður uppgjör bankanna fyrrihluta 2008

Forstjóri Kauphallarinnar segir að skoða verði hvort hálfsársuppgjör bankanna 2008 hafi verið rétt og reikningarnir eðlilega sett fram. Einnig þurfi að kanna í þaula hvort yfirlýsingar bankastjóranna nokkrum mánuðum fyrir hrun um gæði eignasafna og sterka lausafjárstöðu standist skoðun.

Gistinóttum fækkaði lítillega milli áranna 2008 og 2009

Gistinætur á hótelum árið 2009 voru 1.333.200 og fækkar lítillega frá árinu 2008 þegar gistinætur voru 1.339.900. Á flestum landsvæðum fækkar gistinóttum á milli ára eða standa í stað. Hlutfallslega fækkar gistinóttum mest á samanlögðu svæði Vesturlands og Vestfjarða en fjölgar mest á Norðurlandi og Suðurlandi.

Starfsmönnum SÍ óheimilt að þiggja gjafir eða boðsferðir

Samkvæmt starfs- og siðareglum Seðlabanka Íslands (SÍ) er starfsmönnum bankans óheimilt að þiggja gjafir og boðsferðir. Eina undantekningin er ef ferðirnar eru taldar hafa upplýsingagildi fyrir bankann en þá greiðir bankinn kostnaðinn við ferðina.

Froskur sem sló í gegn

Auglýsingaherferð Vodafone þar sem „essasú“-froskurinn var í aðalhlutverki er með þeim íslensku auglýsingaherferðum sem hvað mesta athygli hafa vakið.

Konur ragari en karlar við hlutabréfakaup

Konur gætu hagnast meira ef þær væru hugaðri í hlutabréfakaupum en raun ber vitni. Þetta sýnir rannsókn sem Greens Analyseinstitut vann fyrir danska viðskiptablaðið Børsen og birtist á laugardag.

Frakkar vilja hjálpa til við endurreisnina

Frönsk stjórnvöld vilja leggja lóð sitt á vogarskálarnar og styðja Ísland upp úr kreppunni, að sögn Emmanuel Jacques, formanns stjórnar Fransk-íslenska viðskiptaráðsins og viðskiptasendifulltrúa Frakka hér.

Auglýst eftir rektor

Embætti rektors við Háskóla Íslands hefur verið auglýst laust til umsóknar.

Heimsyfirráð CCP

Flutningar standa nú yfir hjá netleikjafyrirtækinu CCP úti á Granda. Fyrirtækið hefur fjölgað starfsfólki verulega upp á síðkastið og þurft að dreifa úr sér. CCP var með efstu hæðirnar í Grandagarði 8 en hefur smám saman verið að taka þær neðri yfir. Teiknimyndafyrirtækið CAOZ og tengd fyrirtæki eru um þessar mundir að flytja út, ásamt almannatengslafyrirtækinu APPR, og mun komið undir annað þak. Sjóminjasafnið og heildverslunin Forval eru enn í húsinu og þykir spurning hvenær þau hverfa á braut. Óvíst er hvort húsið dugi CCP, sem tútnar út sem aldrei fyrr. Ef allt þrýtur er aldrei að vita nema fyrirtækið taki yfir varðskipið Óðin, sem liggur við bryggju handan við húsið.

Vilja hleypa „vondum“ krónum inn

Unnið er að því að opna fjárfestum leið inn í landið með íslenskar krónur sem þeir hafa keypt á aflandsmörkuðum eftir að gjaldeyrishöft voru sett í nóvember 2008. Ræddar hafa verið ýmsar hefðbundnar og óhefðbundnar leiðir til að gera þetta mögulegt innan stjórnsýslunnar, samkvæmt heimildum Fréttablaðsins. Horft er til þess að aflandsféð verði nýtt til að fjármagna íslensk fyrirtæki á meðan dyrnar eru lokaðar landinu á erlendum lánamörkuðum. Ekkert mun fast í hendi og vildi því enginn tjá sig um það opinberlega.

Misstu stjórn á sér

„Mig er farið að klæja í puttana að loka nýjum díl, við höfum ekkert gert á þessu ári," sagði einn viðmælenda Ástu Dísar Óladóttur sem rannsakaði fjárfestingar Íslendinga erlendis í doktorsritgerð sinni sem hún varði við Viðskiptaháskólann í Kaupmannahöfn. Ásta Dís komst meðal annars að því í rannsókn sinni að er líða tók á fyrsta áratug 21. aldarinnar töpuðu menn sérhæfni í fjárfestingum og fóru að fjárfesta í alls konar fyrirtækjum. Græðgi hafi jafnvel virst ráða för í sumum tilfellum frekar en úthugsuð fjárfestingarstefna, eins og ofangreind tilvitnun sýnir.

Margmenni hjá Marel

Rúmlega 130 gestir úr ýmsum áttum komu á kynningu sérfræðinga á nýjustu lausnum Marel í framleiðslusal fyrirtækisins um miðjan mánuðinn. Flestir gestanna voru fulltrúar helstu kjöt- og kjúklingavinnsla landsins auk fulltrúa fiskiðnaðarins. Á meðal helstu nýjunganna var nýjasta gerðin af verðmerkivog til að verðmerkja neytendapakkaðar afurðir og vél undir vörumerkinu Townsend, sem himnudregur kjöt og kjúkling eða roðdregur fisk. Vörumerkið varð hluti af Marel með kaupunum á hollensku iðnsamsteypunni Stork fyrir tveimur árum. Vélar sem þessar hafa aldrei verið sýndar hér áður. - jab

Almenn bjartsýni með ferðasumarið

Almenn bjartsýni ríkir meðal fyrirtækja sem starfa í ferðaþjónustu hér á landi með komandi ferðasumar, segir Erna Hauksdóttir, framkvæmdastjóri Samtaka ferðaþjónustunnar. Ferðamenn bóka þó með sífellt styttri fyrirvara svo erfitt er að spá fyrir um sumarið.

Hlutafé í 365 aukið um milljarð

Ákveðið var á hluthafafundi hjá fjölmiðlafyrirtækinu 365 miðlum í dag, sem á og rekur fréttastofu Stöðvar 2 og Bylgjunnar, að auka hlutafé fyrirtækisins um milljarð. Gefið verður upp á næstu vikum hvaðan nýtt hlutafé kemur. Jón Ásgeir Jóhannesson er stærsti hluthafi 365 miðla. Hluatfé í fyrirtækinu er í dag rúmir tveir milljarðar en verður rúmir þrír milljarðar með þessu. Ari Edwald forstjóri fyrirtækisins segir tilganginn að styrkja fjárhag fyrirtækisins.

Hollendingar hunsuðu hugmyndir um varasjóð Landsbankans

Jónas Fr. Jónsson, fyrrverandi forstjóri Fjármálaeftirlitsins vísar ásökunum um lygar á bug en fyrrverandi yfirmaður hollenska fjármálaeftirlitsins og seðlabankans, Arnold Schilder, sagði fyrir þingnefnd þar í landi að trekk í trekk hefðu Íslendingar logið að sér og starfsmönnum sínum. Jónas segir að stungið hafi verið upp á að Landsbankinn setti upp varasjóð í Hollandi en þær hugmyndir hafi aldrei verið afgreiddar af hálfu Hollendinga.

Icelandair þarf ekki að greiða 130 milljónir í sekt

Héraðsdómur Reykjavíkur felldi niður 130 milljón króna stjórnvaldssekt á hendur Icelandair en Samkeppniseftirlitið hafði áður úrskurðað að félagið skyldi greiða sektina fyrir brot á samkeppnislögum.

Einar Sigurðsson forstjóri Auðhumlu

Nú um mánaðamótin urðu forstjórarskipti hjá Auðhumlu, samvinnufélagi 700 mjólkurbænda, sem á stærstan hlut í Mjólkursamsölunni. Magnús Ólafsson, forstjóri lét þá af störfum eftir áratuga farsælan feril í íslenskum mjólkuriðnaði. Við starfinu tekur Einar Sigurðsson, sem eftir þessa breytingu verður forstjóri bæði Auðhumlu og Mjólkursamsölunnar.

Sjá næstu 50 fréttir

Mest lesið