Fleiri fréttir

Reiði í garð Bakkavarar í Bretlandi vegna uppsagna

Mikil reiði ríkir í garð Bakkavarar í Bretlandi hjá verkalýðsfélagi í Lincolnshire eftir að Bakkavör ákvað að slíta viðræðum um hópuppsagnir í verksmiðju sinni í Spalding. Bakkavör er búin að segja 170 starfsmönnum upp í verksmiðjunni.

Ísland og Noregur landa 42% af öllum fiski í Evrópu

Tvö lönd, Ísland og Noregur, standa að baki 42% af öllum löndunum á fiski, unnum og óunnum, í Evrópu þ.e. löndunum innan ESB og EES. Þessi staða mun nær örugglega ekkert breytast í fyrirsjáanlegri framtíð að því er segir í frétt um málið á vefsíðunni FISHupdate.com.

Þrýsta á umbætur hjá evruþjóðum í vanda

Frekari fjármunir verða ekki lagðir í sjóð til aðstoðar evrulöndum í skuldavanda. Fjármálaráðherrar ESB-landa funduðu í höfuðstöðvum ESB í Brussel á mánudag og þriðjudag. Ný álagspróf verða lögð fyrir evrópska banka í febrúar.

Bankarnir skríða saman eftir hrun

Viðskiptabankarnir þrír sem féllu fyrir rétt rúmum tveimur árum eru að taka við sér. Tekjur af reglulegri starfsemi hafa aukist en eftirspurn eftir lánsfé er lítil. Forstjóri bankasýslu ríkisins segir bankana verða að samræma uppgjör sín.

Hafa keypt hlutafé fyrir rúman milljarð

Fjárfestar hafa keypt hlutafé í fyrirtækjum þeirra sem lært hafa að stýra sprotafyrirtækjum hjá Viðskiptasmiðju Klaks fyrir rúman milljarð króna á tveimur árum. Námið hófst haustið 2008, á sama tíma og efnahagslífið hér fór á hliðina.

Kolsvartar skýrslur um starfsemi bankanna

Landsbankinn stóð mun verr en ársreikningur bankans gaf til kynna í lok árs 2007, að mati norsku sérfræðinganna Helge skogseth Berg og Jørgen Rønningen.

Útgreiðslur fastar vegna lagaflækja

Útgreiðslur til þúsund viðskiptavina sem greiddu upp bílalán hjá Glitni fyrir fall bankans eru í uppnámi og fastar inn í þrotabúi bankans vegna lagaflækja. Slitastjórnin og Íslandsbanki eru að skoða málið.

Iceland Travel hlaut virt markaðsverðlaun

Ferðaskrifstofan Iceland Travel hlaut í síðustu viku virt verðlaun á sviði ferðaþjónustu fyrir besta markaðsframtak ársins á árlegri uppskeruhátíð Seatrade Insider, en það er eitt stærsta fagtímarit heims á sviði skemmtiferðasiglinga.

Áætla 300 milljón afgang af rekstri Hafnarfjarðar

Rekstrarniðurstaða A og B hluta Hafnarfjarðarbæjar fyrir árið 2011 er áætluð jákvæð um 306 milljónir kr. og rekstrarniðurstaða A hlutans um 13 milljónir kr. Fjárhagsáætlun Hafnarfjarðarkaupstaðar fyrir árið 2011 ásamt þriggja ára áætlun fyrir árin 2012-2014 var lögð fram á fundi bæjarstjórnar í dag.

Ísland nýtur góðs af lækkun færslugjalda Visa

Visa Europe og framkvæmdastjórn ESB hafa náð samkomulagi í málaferlum stjórnarinnar gegn kortafélaginu vegna hringamyndunnar. Samkomulagið felur í sér að Visa mun héðan í frá nota eitt færslugjald fyrir alla kaupmenn og neytendur níu landa í ESB og EES þar á meðal Íslendinga. Gjaldið verður 0,2% af úttektarupphæð héðan í frá.

Ársæll segir hollenska ríkið hafa viljað sig áfram í skilanefnd

Ársæll Hafsteinsson einn yfirmanna skilanefndar Landsbankans var áður yfir útlánaeftirliti Landsbankans og dregur nú fyrrverandi yfirmenn sína til ábyrgðar vegna umdeildra útlána. Fjármálaeftirlitið vísaði honum úr skilanefnd en hann var ráðinn strax aftur sem starfsmaður.

Fundað um Icesave í London

Samninganefnd íslenskra stjórnvalda vegna Icesave-málsins hélt í morgun til fundar í Lundúnum með fulltrúum breskra og hollenskra stjórnvalda.

Búið að afskrifa 30 milljarða vegna bílalána einstaklinga

Eignaleigufyrirtæki hafa samtals afskrifað kröfur á einstaklinga upp á 27 milljarða króna vegna bílasamninga og bílalána í kjölfar dóms Hæstaréttar. Heildarafskriftir krafna eignaleigufyrirtækja á einstaklinga vegna dómsins eru metnar 44,5 milljarðar króna.

Afnám gjaldeyrishafta skapar óvissu um vaxtalækkanir

Áætlanir um afnám gjaldeyrishafta skapa óvissu um hversu mikið svigrúmið er til skemmri tíma á frekari vaxtalækkunum. Þetta kemur fram í yfirlýsingu Peningastefnunefnar sem birt hefur verið á vefsíðu Seðlabankans.

Seðlabankinn gerir nýtt áhættumat vegna Icesave

Seðlabankinn mun gera nýtt áhættumat vegna Icesave samningsins sem nú er í burðarliðnum. Þetta kom fram í máli Más Guðmundssonar seðlabankastjóra á fundi þar sem fjallað er um vaxtaákvörðun Peningastefnunefndar.

Kaupum Magma á HS Orku endanlega lokið

Magma Energy í Svíþjóð hefur lokið við að greiða síðasta hlutann af kaupverði sínu fyrir HS Orku. Lokagreiðslan nam rétt rúmum 3 milljörðum kr. eða 27 milljónum dollara.

Slegist um kaupin á Eik Bank í Danmörku

Mikill áhugi er á því að kaupa Eik Bank í Danmörku en hann var dótturbanki Eik Banki í Færeyjum sem komst í þrot s.l. haust. Samkvæmt frétt í Jyllands Posten munu a.m.k. átta bankar slást um að fá að kaupa Eik Bank.

Raunstýrivextir of háir þrátt fyrir myndarlega vaxtalækkun

Ingólfur Bender forstöðumaður greiningar Íslandsbanka segir að stýrivaxtalækkun Seðlababankans sé myndarleg að þessu sinni og nokkuð meiri en greiningin hafði spáð fyrir um en það var lækkun á bilinu 0,5 til 0.75 prósentustig.

Töluvert dregur úr neikvæðri afkomu ríkisins

Í þeim ársfjórðungi var tekjuafkoma hins opinbera neikvæð um 26 milljarða króna eða sem nemur 6,6% af áætlaðri landsframleiðslu ársfjórðungsins og 15,8% af tekjum þess. Á sama tíma 2009 var tekjuafkoman neikvæð um tæplega 38 milljarða króna eða 9,8% af landsframleiðslu.

Laun hækka á vinnumarkaði - skrifstofufólk hækkaði mest

Samkvæmt vísitölu launa voru regluleg laun að meðaltali 2,0% hærri á þriðja ársfjórðungi 2010 en í ársfjórðungnum á undan. Á sama tímabili hækkuðu laun á almennum vinnumarkaði um 2,6% en laun opinberra starfsmanna um 0,7% að meðaltali.

Nýir 100 dollara seðlar eyðilögðust í prentun

Svo virðist sem allt hafi farið úr skorðum þegar opinber seðlaprentverksmiðja hóf að prenta nýja 100 dollaraseðla í Bandaríkjunum. Eftir að búið var að prenta yfir milljarð dollara kom í ljós að seðlarnir voru gallaðir. Upplagið hefur verið keyrt í stórum körum til Forth Worth í Texas.

Gengi hluta í Marel hefur hækkað um 150% frá botninum

Gengi hlutabréfa í Marel náði 100 kr. á hlut í vikunni en gengi félagsins hefur hækkað stöðugt frá því að það náði botni í apríl 2009 þegar gengið fór niður í um 40 kr. á hlut, en það var um svipað leiti og erlendir markaðir náðu botni. Gengið hefur reyndar hækkað um 150% frá botni en hafði áður fallið um 60%.

Rekstur Akureyrar jákvæður um 146 milljónir á næsta ári

Rekstarafkoma A- og B hluta Akureyrarbæjar fyrir næsta ár er áætluð jákvæð um 146,3 milljónir króna eftir fjármagnsliði og tekjuskatt. Fjárhagsáætlun Akureyrarbæjar fyrir árið 2011 var lögð fram í bæjarstjórn Akureyrar í gær.

Actavis borgar 1,4 milljarða í dómssátt

Actavis Group hf. mun borga að minnsta kosti 12 milljónir dollara eða tæpa 1,4 milljarða kr. til að ganga frá samkomulagi um kröfur á hendur félaginu.

Seltjarnarnes áætlar 50 milljóna afgang á næsta ári

Gert er ráð fyrir að rekstrarafgangur samantekins ársreiknings Seltjarnarnesbæjar á næsta ári verði 50 milljónir króna. Útsvarsprósenta á árinu 2011 verður 12,98%, sem er undir leyfilegu hámarksútsvari sem er 13,28%. Útsvarstekjur eru áætlaðar 1.620 milljónir kr. Tekjur af fasteignasköttum eru áætlaðar 190 milljónir kr. sem er sama álagning í krónum talið og árið 2010.

LV eykur hlut sinn í Marel

Lífeyrissjóður verslunnarmanna (LV) hefur aukið hlut sinn í Marel um 1,37%. Þetta kemur fram í flöggun um kaupin í Kauphöllinni. Flöggunin er til komin þar sem hlutur LV í Marel fór yfir 5% við kaupin í morgun og stendur nú í 5,82%.

SA telur kröfur um hækkun lágmarkslauna óraunhæfar

Vilhjálmur Egilsson, framkvæmdastjóri Samtaka atvinnulífsins (SA), segir kröfur Starfsgreinasambandsins (SGS) um að lágmarkstekjur fyrir fulla dagvinnu verði kr. 200.000 frá 1. desember 2010 óraunhæfar við núverandi aðstæður en krafan felur í sér 21% hækkun.

Segir lítið mark takandi á tölum um landsframleiðslu

"Lítið mark er takandi á árstíðarleiðréttum tölum um landsframleiðslu líkt og við höfum áður bent á. Þessar tölur breytast mikið eftir fyrstu birtingu Hagstofunnar og er Hagstofan t.d. nú að breyta tölum fyrir fyrsta og annan ársfjórðung þessa árs umtalsvert."

Raforkuverð í Danmörku nær þrjátíufalt hærra en hér

Raforkuverð til danskra heimila muna fara upp í allt að 15 kr. danskar, eða rúmlega 300 kr., á kílówattstundina milli klukkan fimm og sjö síðdegis í dag. Þetta er nær þrjátíufalt það verð sem íslensk heimili borga fyrir raforkuna í dag en verðið hérlendis er 10,6 kr. á kílówattstundina.

Gjaldmiðlaórói veldur uppsveiflu á gullverði

Mikil uppsveifla hefur verið á gullverðinu undanfarnar vikur og í gærkvöldi fór það upp í tæpa 1.430 dollara fyrir únsuna. Í morgun hafði það aðeins gefið eftir og stóð í 1.423 dollurum á únsuna. Órói á gjaldmiðlamörkuðum veldur þessari uppsveiflu en fjárfestar eru í auknum mæli að missa trúnna á pappírspeninga hvort sem það eru dollarar eða evrur.

Vöruskiptin hagstæð um 10,4 milljarða í nóvember

Samkvæmt bráðabirgðatölum Hagstofunnar fyrir nóvember fluttu Íslendingar út fyrir 48,3 milljarða króna og vörur voru fluttar inn fyrir tæpa 38,0 milljarða króna. Vöruskiptin í nóvember voru því hagstæð um tæpa 10,4 milljarða króna samkvæmt þessum bráðabirgðatölum.

Sjá næstu 50 fréttir

Mest lesið