Óttast ekki að Sjóvá fari í þrot

Fall Aska Capital mun ekki hafa nein áhrif á tryggingafélagið Sjóvá, en félagið sér fram á tap vegna falls Avant, dótturfélags Aska. Óvíst er hversu mikið tapið verður.

Lífeyrissjóðirnir búnir að ná sér eftir bankahrunið

Íslensku lífeyrissjóðirnir virðast vera búnir að ná vopnum sínum eftir bankahrunið haustið 2008, að mati sérfræðinga Efnahags- og samvinnustofnunarinnar (OECD).

Ferðakostnaður seðlabankastjóra hefur snarlækkað

Ferðakostnaður seðlabankastjóra hefur snarlækkað frá árinu 2006 samkvæmt gögnum sem Vísir hefur frá skrifstofu bankastjóra Seðlabanka Íslands.

Gamma lækkaði um 0,2%

Skuldabréfavísitalan GAMMA: GBI lækkaði um 0,2% í dag í 4 ma. viðskiptum. GAMMAi: Verðtryggt lækkaði um 0,2% í 1,2 ma. viðskiptum og GAMMAxi: Óverðtryggt lækkaði lítillega í 2,8 ma. viðskiptum.

Fólk leigir íbúðir frekar en að kaupa

Fólk er farið að sækja meira í að leigja húsnæði en að kaupa það, segir Sigurður H. Guðjónsson, formaður Húseigendafélagsins. Samkvæmt upplýsingum frá Þjóðskrá Íslands varð töluverð fjölgun á þinglýstum leigusamningum milli mánaðanna maí og júní. Á landinu í heild fjölgaði þeim um 24%.

Osta- og smjörsalan vill í orkugeirann

Osta og smjörsalan vill eignast hlut í neyslu- og frávatnsveitu á Suðurnesjum og gerði Orkuveitunni tilboð. Orkuveitan hafnaði því hins vegar á stjórnarfundi í byrjun vikunnar.

Spá áframhaldandi verðhjöðnun

Greining Íslandsbanka spáir því að vísitala neysluverðs lækki í júlí um 0,2% frá fyrri mánuði. Gangi spáin eftir muni verðbólga hjaðna úr 5,7% í 5,3% í júlímánuði. Verðbólgan hefur ekki mælst minni hérlendis frá lokamánuðum ársins 2007.

Hagnaður JP Morgan Chase langt umfram spár

Hagnaður JP Morgan Chase, næststærsta banka Bandaríkjanna, á öðrum ársfjórðungi ársins var langt umfram spár sérfræðinga.

Larry Hagman auglýsir sólarorku

Bandaríski leikarinn Larry Hagman, betur þekktur sem olíuskúrkurinn J.R. Ewing í sjónvarpsþáttunum Dallas, leikur nú í auglýsingum um sólarorku.

Talið að 11 stórir bankar standist ekki álagspróf ESB

Talið er að 11 stórir evrópskir bankar muni ekki standast álagspróf ESB sem fyrirhugað er seinna í þessum mánuði. Þetta hefur viðskiptablaðið Börsen eftir háttsettum þýskum bankamanni.

Íslandsbanki býður framkvæmdalán á sérstökum kjörum

Íslandsbanki tekur þátt í hvatningarátaki stjórnvalda og atvinnulífsins Allir vinna sem nýverið var hleypt af stokkunum. Bankinn mun bjóða einstaklingum í viðskiptum við bankann hagstæð framkvæmdalán á sérstökum kjörum.

Danska ríkið fær 100 milljarða í vaxtatekjur úr bankaaðstoð

Danska ríkið mun fá 4,3 milljarða danskra króna eða nær 100 milljarða króna í vaxtatekjur í ár af björgunarpökkum sínum til handa bankakerfi landsins.

Grænlenskt jökulvatn selt á sex þúsund kr. flaskan í Dubai

Bráðið jökulvatn frá Ilulissat á Grænlandi sem tappað er á glerflöskur selst fyrir rúmar 6.000 krónur á flöskuna í Dubai.

Austurrískur banki á mest í Straumi

Austurríski bankinn Raiffeisen Zentralbank (RZB) er nú stærsti eigandi Straums. RZB var einn stærsti lánadrottinn bankans, ásamt Deutsche Bank, Bayern LB og Goldman Sachs, að því er segir í frétt austurríska miðilsins Die Presse. Þar segir að samkomulagið hafi verið hluti af því að milda höggið á bankann af hruninu á Íslandi, en við það tapaði RZB um 70 milljónum evra, eða jafnvirði rúmra ellefu milljarða króna.

Kenna bönkunum um fasteignabóluna

Efnahagsmál Rannsóknarnefnd Alþingis dregur rangar ályktanir af áhrifum hækkunar á hámarkslán Íbúðalánasjóðs að mati sjóðsins. Þetta kemur fram í greinargerð sem sjóðurinn sendi þingmannanefnd sem fjallar um skýrslu rannsóknarnefndarinnar.

Enn samdráttur í verslun

Samdráttur var á milli ára í öllum tegunda verslunar í síðasta mánuði nema í raftækjaverslun og áfengisverslun, samkvæmt mælingum Rannsóknaseturs verslunarinnar. Þá varð einnig samdráttur í áfengisverslun ef veltan er leiðrétt fyrir árstíðabundnum þáttum. Mestur samdráttur var í skóverslun og húsgagnaverslun en dagvöruverslun dróst minnst saman.

Rifist um eignarhaldið á Facebook

Lítt þekktur amerískur maður fullyrðir að hann eigi 84% í Facebook samskiptavefnum. Dómstóll í New York þar því að úrskurða um hvort Mark Zuckerberg, sem hingað til hefur verið sagður vera stofnandi og eigandi síðunnar, sé raunverulegur eigandi eða ekki.

Sprotafyrirtæki á sviði heilbrigðisvísinda í samstarf

Kerecis og ValaMed undirrituðu í dag samstarfssamning sem tekur m.a. til rannsókna á frumuvexti í mismunandi vefjum. ValaMed vinnur að þróun á lyfjanæmisprófum á krabbameinsfrumum en Kerecis vinnur að gerð stoðefna sem hámarka vöxt frumna t.d. í sárum.

Segir tryggingareksturinn traustan

Ólafur Njáll Sigurðsson, framkvæmdastjóri fjármálasviðs Sjóvár Almennra, segir að Tryggingarekstur Sjóvár sé traustur og mun fall Avant engin áhrif hafa á viðskiptavini Sjóvár. Eins og greint var frá í Fréttablaðinu í dag hefur Eygló Harðardóttir, þingmaður Framsóknarflokksins, óskað eftir fundi í viðskiptanefnd Alþingis vegna mögulegra áhrifa slitameðferðar Aska Capital á stöðu Sjóvár-Almennra.

Fáir lífeyrissjóðir jafn vel fjármagnaðir og þeir íslensku

Efnahags- og framfarastofnunin segir íslenska lífeyrissjóðakerfið vera eitt af örfáum sem hafa náð sér að fullu eftir efnahagshrunið. Aðeins hollenskir lífeyrissjóðir séu betur fjármagnaðir.

Miklu minna lánað til íbúðakaupa

Almenn útlán Íbúðalánasjóðs til íbúðakaupa námu 1,6 milljörðum króna sem er um 16% minna en í sama mánuði fyrir ári síðan. Engu að síður er fjárhæðin nú í júní hærri en í síðasta mánuðinn þegar sjóðurinn lánaði 1,3 milljarða króna til íbúðakaupa og jafnframt hærri en sjóðurinn hefur lánað að meðaltali síðasta árið.

Töluverð fjölgun þinglýstra leigusamninga

Töluverð fjölgun varð á þinglýstum leigusamningum milli mánaðanna maí og júní. Á landinu í heild fjölgaði þeim um 23,7%. Ef tekinn er júní ár miðað við júní í fyrra er fjölgun þessara samninga 2,6%.

Icelandic Glacial vatnið sett á markað í Kína

China Water and Drinks, eitt af stærstu átöppunar-og dreifingarfyrirtækjum á drykkjum í Kína hefur ákveðið að setja Icelandic Glacial vatnið á markað í Kína.

Vaxtakjör á ríkisvíxlum þau bestu frá hruninu 2008

Góð þátttaka var í ríkisvíxlaútboðinu sem haldið var hjá Lánamálum ríkisins í gær. Þannig bárust alls 43 gild tilboð í ríkisvíxlaflokkinn RIKV 10 1115 að fjárhæð 23,9 milljarðar kr. að nafnverði. Ákveðið var að taka tilboðum fyrir 22,1 milljarða kr. að nafnverði á 5,49% flötum vöxtum.

Heildaraflinn minnkaði um 19% milli ára í júní

Heildarafli íslenskra skipa í nýliðnum júnímánuði, metinn á föstu verði, var 19,2% minni en í júní 2009. Það sem af er árinu hefur aflinn dregist saman um 13% miðað við sama tímabil 2009, sé hann metinn á föstu verði.

Exista og Bakkavör brutu gegn lögum um verðbréfaviðskipti

Fjármálaeftirlitið (FME) hefur sektað Exista og Bakkavör fyrir brot á lögum um verðbréfaviðskipti. Hvoru félagi um sig er gert að greiða 1.250 þúsund krónur í sekt en báðum málunum lauk með sátt.

Rolls-Royce selst eins og heitar lummur í kreppunni

Bresku lúxusbílarnir Rolls-Royce seljast eins og heitar lummur mitt í kreppunni. Bíllinn er uppseldur hjá framleiðandanum langt fram á haustið.

Ísland aftur á topp tíu listanum yfir hættu á þjóðargjaldþroti

Ísland er aftur komið á topp tíu listann yfir þær þjóðir sem taldar eru í hvað mestri hættu á þjóðargjaldþroti.

AGS gagnrýnir ehf-væðingu síðustu ára

Breyta ætti skattareglum svo einkahlutafélög einyrkja þurfi að greiða tekjuskatt af greiðslum til eigenda að mati sérfræðinga AGS. Þeir telja núverandi fyrirkomulag ófullnægjandi. Leggja til kerfi svipað og á hinum Norðurlöndunum.

Askar gæti valdið Sjóvá vanda

Eygló Harðardóttir, þingmaður Framsóknarflokksins, hefur óskað eftir fundi í viðskiptanefnd Alþingis vegna mögulegra áhrifa slitameðferðar Aska Capital á stöðu Sjóvár-Almennra.

FME skipar bráðabirgðastjórn yfir Avant

Fjármálaeftirlitið (FME) hefur orðið við beiðni Avant hf. um að skipa félaginu bráðabirgðastjórn á grundvelli laga um fjármálafyrirtæki.

Fall Aska hefur engin áhrif á Saga Capital

Þorvaldur Lúðvík Sigurjónsson, forstjóri fjárfestingabankans Saga Capital, segir að fall fjárfestingabankans Aska Capital hafi engin áhrif á fyrirtækið sem hann rekur, Saga Capital. Hvorki á reksturinn né fjárhagslegan styrk bankans.

Fjárfestingabanki gjaldþrota vegna gengistryggðu lánanna

Stjórn fjárfestingabankans Askar Capital hf hefur samþykkt að óska eftir slitameðferð á félaginu og beint kröfu þess efnis til Héraðsdóms Reykjavíkur. Þá hefur stjórn dótturfélags Askar Capital, Avant, óskað eftir að Fjármálaeftirlitið skipi bráðabirgðastjórn félagsins.

Nauðarsamningar Straums samþykktir

Kröfuhafar Straums-Burðaráss fjárfestingabanka hf. samþykktu í dag nauðasamning fyrir félagið. Í samningnum felst að yfirráð félagsins færast yfir til almennra kröfuhafa sem umbreyta hluta af kröfum sínum í hlutafé og taka við skuldabréfi sem félagið gefur út.

Gamma hækkaði lítillega

Skuldabréfavísitalan GAMMA: GBI hækkaði lítillega í dag í 6,3 ma. viðskiptum. GAMMAi: Verðtryggt hækkaði um 0,1% í 2,2 ma. viðskiptum og GAMMAxi: Óverðtryggt lækkaði um 0,1% í 4,2 ma. viðskiptum.

Högum skipt upp

Unnið er að því að skipta Högum upp og færa einingar innan samstæðunnar í sér rekstrarfélög. Með þessu verður til sérstakt rekstrarfélag 10-11 verslananna. Finnur Árnason, forstjóri Haga, segir að tilgangurinn með þessu sé að undirbúa skráningu Haga í Kauphöllina.

Vísbendingar um minni einkaneyslu

Líkur eru á að einkaneysla hafi dregist lítillega saman á öðrum fjórðungi ársins frá sama tíma í fyrra ef marka má tölur um kortaveltu.

Lýst eftir kröfum í Byr sparisjóð

Slitastjórn Byrs sparisjóðs hefur lýst eftir kröfum í þrotabúið og stendur kröfufresturinn næstu þrjá mánuði að því er segir í auglýsingu frá slitastjórninni í Lögbirtingarblaðinu í dag.

Yfirtaka Íslandsbanka á Eik samþykkt með skilyrðum

Samkeppniseftirlitið hefur samþykkt yfirtöku Íslandsbanka á Eik Properties ehf. en setur jafnframt margvísleg skilyrði fyrir yfirtökunni. Yfirtaka Íslandsbanka hf. á öllu hlutafé Eik Properties ehf. felur í sér samruna í skilningi samkeppnislaganna.

Móðurfélag N1 vinnur að endurskipulagningu

BNT, móðurfélag N1, hefur nú hafið vinnu við endurskipulaginu fjármála samstæðunnar. Þetta kemur fram í tilkynningu til Kauphallarinnar.

Sænskir forstjórar eru lítt hrifnir af bónuskerfum

Ný könnun sem unnin var á vegum Samtaka forstjóra í Svíþjóð sýnir að fjórir af hverjum fimm þeirra eru lítt hrifnir af bónuskerfum eða árangurstengdum launum. Raunar finna þeir bónuskerfum margt til foráttu þótt þeir sjálfir þiggi laun samkvæmt þeim.

Magma boðar hlutafjárútboð til að greiða fyrir HS Orku

Magma Energy hefur tilkynnt að félagið muni fara í nýtt hlutafjárútboð upp á 40 milljónir kanadadollara eða tæplega fimm milljarða króna.

Skattatillögur AGS unnar að beiðni fjármálaráðherra

Nýjar tillögur Alþjóðagjaldeyrissjóðsins (AGS) um skattahækkanir á ýmsum sviðum eru unnar að beiðni Steingríms J. Sigfússonar fjármálaráðherra, sem óskaði formlega eftir tillögum frá sjóðnum um að auka tekjustreymi ríkissjóðs um eitt til tvö prósent af landsframleiðslu.

Alcoa sýnir hagnað af rekstrinum að nýju

Bandaríska álfélagið Alcoa, móðurfélag Fjarðaráls, sýnir nú aftur hagnað af rekstri sínum eftir mikið tap undanfarna ársfjórðunga.

Reikna með að gengi krónunnar gefi eftir á seinni hluta ársins

Fari það saman að Seðlabankinn hefji reglubundin kaup á gjaldeyri og fari jafnframt að stíga næstu skref í afnámi gjaldeyrishafta má fastlega reikna með að gengi krónunnar gefi eftir á seinni hluta ársins.