Úrvalsvísitalan undir 6.000 stigum

Gengi bréfa í Existu hefur fallið um tæp átta prósent frá því viðskipti hófust í Kauphöllinni í dag og stendur gengið í 17,10 krónum á hlut. Úrvalsvísitalan fór undir 6.000 stigin rétt eftir klukkan ellefu og hefur ekki verið lægri síðan í ágúst í hitteðfyrra.

Glitnir spáir því að verulega hægi á fasteignamarkaðinum

Greining Glitnis reiknar með að verulega hægi á fasteignamarkaðinum á þessu ári. Ástæður þessa felast helst í háum vöxtum og erfiðari fjármögnun sem veikir kaupgetu sér í lagi nýrra kaupenda á markaðinum.

SPRON og Exista enn á niðurleið

Gengi bréfa í SPRON og Existu hefur lækkað í Kauphöllinni í dag, annað viðskiptadaginn í röð á árinu. Félögin féllu bæði um sex prósent í gær. SPRON hefur það sem af er dags lækkað um rúmlega 2,5 prósent en Exista um rúmlega 1,5 prósent.

Dong finnur meira af olíu og gasi í Norðursjó

Danska ríkisolíufélagið Dong hefur fundið meira af olíu og gasi í Norðursjó og samkvæmt fyrstu fregnum getur verið um verulegt magn að ræða.

Royal Unibrew kaupir ölgerð í Lettlandi

Danska brugghúsið Royal Unibrew hefur fest kaup á Livu Alus sem er þriðja stærsta ölgerð Lettlands. FL Group á fjórðungshlut í Royal Unibrew.

Fall í Japan á fyrsta degi

Nikkei-vísitalan féll um rúm fjögur prósent á fyrsta viðskiptadegi ársins í kauphöllinni í Japan í dag og hefur hún ekki verið lægri í um 17 mánuði. Inn í fallið spila áhyggjur japanskra fjárfesta um styrkingu jensins, sem geti komið niður á útflutningi, og hátt olíuverð, sem stendur í methæðum.

Neytendur bregðast ekki við verðlækkunum

Það hefur engin áhrif á neytendur þótt vörur lækki um allt að 27% í verði. Þetta kemur fram í doktorsritgerð í markaðsfræði. sem Valdimar Sigurðsson, aðjúnkt við viðskiptadeild HR, varði í desember.

Stefanía til liðs við Keili

Stefanía Katrín Karlsdóttir hefur verið ráðin framkvæmdastjóri íþrótta-, heilsu- og heilbrigðisklasa Keilis, miðstöðvar vísinda, fræða og atvinnulífs á gamla varnarliðssvæðinu.

Exista og SPRON falla enn á ný

Gengi bréfa í Existu og SPRON héldust í hendur í rúmlega sex prósenta falli í Kauphöllinni í dag. Færeyjabanki féll mest skráðra félaga, um 6,56 prósent og skrapaði sitt lægst lokagildi frá upphafi.

Alrangt að íslenskir fjárfestar hafi tapað á Capinordic

Forstöðumaður upplýsingasviðs fasteignafélagsins Landic Property segir það alrangt að íslenskir fjárfestar hafi tapað á fjárfestingu í fjármálafyrirtækinu Capinordic. Þvert á móti hafi félagið hagnast verulega á bréfunum í félaginu.

Jólaseríurnar hanga enn uppi í Kauphöllinni

Fyrsti dagur nýs árs í Kauphöllinni er í dag. Það sem af er degi hafa 16 fyrirtæki lækkað en þrjú félög hafa hækkað. Það má því segja að það sé ansi rautt um að litast þar á þessum fyrsta degi ársins.

Spá lægri verðbólgu í janúar

Verðbólga mun fara úr 5,9 prósentum í 5,5 prósent i fyrsta mánuði ársins, að því er fram kemur í mati greiningardeildar Kaupþings sem spáir því að vísitala neysluverðs lækki um 0,05 prósent á milli mánaða. Gangi það eftir mun verðbólga mælast 7,4 prósent.

Lykilstarfsmenn Glitnis högnuðust um 270 milljónir á kaupréttindum

Lykilstarfsmenn hjá Glitni hafa hagnast um rúmlega 270 milljónir kr. í gegnum kaupréttarsamninga sína við bankann á síðustu tveimur mánuðum ársins í fyrra.

Sjór í heitum pottum í nýrri stöð Hreyfingar

Sjó verður veitt í heita potta í heilsulind Hreyfingar og Bláa lónsins í Glæsibæ samkvæmt samkomulagi sem Hreyfing og Orkuveitan hafa gert.

ICEQ og Kaupþing semja um viðskiptavakt

ICEQ verðbréfasjóður hefur gert samning við Kaupþing banka hf. um viðskiptavakt á útgefnum hlutdeildarskírteinum sjóðsins fyrir eigin reikning. Tilgangurinn með viðskiptavaktinni er að efla viðskipti með hlutdeildarskírteini sjóðsins í Kauphöll Íslands hf.

Róleg byrjun í Kauphöllinni

Gengi hlutabréfa í Össur hefur hækkað mest á fyrsta viðskiptadegi ársins í Kauphöllinni, eða um 1,12 prósent. Á eftir fylgja bréf í Glitni, Straumi og Existu, sem féll hratt á síðustu dögum nýliðins árs.

OMX opnar markað með réttindi tengd hlutabréfum

OMX Nordic Exchange Iceland (Kauphöllin) opnar í dag 3. janúar, nýjan undirmarkað fyrir réttindi sem tengjast hlutabréfum. Með þessari nýju þjónustu verður mögulegt að eiga kauphallarviðskipti með ýmis réttindi sem algengt er að skapist í tengslum við útgáfu hlutabréfa, svo sem áskriftarréttindi.

Vísitala framleiðsluverðs upp um prósent í nóvember

Vísitala framleiðsluverðs hækkaði um eitt prósent á milli mánaða í nóvember í fyrra, samkvæmt útreikningum Hagstofunnar. Mest hækkað vísitalan fyrir sjávarafurðir, eða um 2,7 prósent. Hún lækkaði hins vegar um 1,1 prósent fyrir vörur sem framleiddar voru og seldar innalands á tímabilinu. Matvælaverð hækkað um 5,2 prósent á milli ára.

Commerzbank rekur tvo stjórnendur sína í Bandaríkjunum

Þýski bankinn Commerzbank hefur rekið tvo af forstjórum sínum í Bandaríkjunum. Ákvörðunin er tekin vegna mikils taps bankans á fasteignamarkaðinum vestanhafs í kjölfar undirmálslánakrísunnar.

Langtímaskuldir Straums nema 65,4 milljörðum

Langtímaskuldir Straums sem gjaldfalla á árinu 2008 nema 65,4 milljörðum króna, eða 717 milljónum evra.

Þynnka í upphafi ársins

Fjárfestar upplifðu ekkert sérlega góðan dag við upphaf ársins á hlutabréfamörkuðum en lækkun var víða um heim. Árið byrjaði reyndar ágætlega en snerist við eftir að upplýsingar um framleiðslu í Bandaríkjunum. Tölurnar voru nokkuð undir væntingum.

Icelandic USA selur verksmiðjuhúsnæði í Cambridge

Icelandic USA, félag sem er í eigu Icelandic Group, hefur selt verksmiðjuhúsnæði sitt og tæki í Cambridge í Maryland í Bandaríkjunum.

Bjarni Ármansson stjórnarformaður REI enn um sinn

Bjarni Ármannsson situr áfram sem stjórnarformaður Reykjavik Energy Invest þar til ný stjórn tekur við en það mun skýrast á næstunni hverjir sitja í henni.

Ekki ástæða til að óttast gjaldfellingu krónubréfa

Ingólfur Bender forstöðumaður greiningar Glitnis segir að ekki sé ástæða til að óttast gjaldfellingu krónubréfa nú eftir áramótin. Í þessum mánuði koma krónubréf að upphæð um 200 milljarða króna á gjalddaga. Um er að ræða stærsta gjalddaga þeirra frá upphafi.

Óvissuástand á hlutabréfamarkaði í Pakistan

Fjárfestar í Pakistan hafa orðið fyrir nokkrum skakkaföllum í kjölfar morðsins á Benazir Bhutto, fyrrum leiðtoga Þjóðarflokksins, sem myrt var á milli jóla og nýárs. Hlutabréfamarkaðir hafa verið opnir í þrjá daga þar í landi frá því leiðtoginn féll frá og lækkað ört.

Stjórn OMX mælir samhljóða með tilboði Dubai

Stjórn norræna kauphallarfyrirtækisins OMX mælir samhljóða með því að tekið verði tilboði kauphallarinnar Borse Dubai í OMX. Þegar Borse Dubai eignast þann 67% hlut í OMX sem hér um ræðir verður OMX sameinað Nasdaq í Bandaríkjunum.

Vísitölur í Evrópu beggja vegna núllsins - en lokað hér

Helstu hlutabréfavísitölur úti í hinum stóra heimi hafa tekið misjafnlega við sér á fyrsta viðskiptadegi ársins. Hlutabréfamarkaðurinn í Kauphöll Íslands er hins vegar lokaður í dag og opnar ekki fyrr en á morgun.

Íslendingar sagðir tapa stórt á sölu bréfa í Capinordic

Hópur evrópskra fjárfesta hefur keypt síðustu bréf fasteignafélagsins Keops í fjármálafyrirtækinu Capinordic. Danska viðskiptablaðið Borsen, segir að Íslendingarnir á bakvið Keops, Stoðir, eða Landic properties, eins og það heitir raunar í dag, hafi tapað gríðarlega á fjárfestingunni. Borsen segir að salan á síðustu hlutunum í Capinordic kostaði Landic um milljarð íslenskra króna.

Smásalar í Bretlandi verða í vandræðum á árinu

Ritstjóri viðskiptahluta breska dagblaðsins the Daily Telegraph sér fram á erfiða tíma fyrir fyrirtæki á smásölumarkaði á Bretlandseyjum, en þar er Baugur Group á meðal þeirra fyrirferðamestu. Í blaðinu í gær fer Damian Reece yfir það sem hann telur að muni valda mestum titringi í viðskiptaheiminum á komandi ári. Efst á blaði eru vandræði húsnæðislánabankans Northern Rock sem hann segir að muni halda áfram langt fram á nýja árið. En næst nefnir hann smásöluna á Bretlandseyjum og að í þeim geira verði fyrstu þrír mánuðir ársins mönnum afar erfiðir.