Sjór í heitum pottum í nýrri stöð Hreyfingar

Sjó verður veitt í heita potta í heilsulind Hreyfingar og Bláa lónsins í Glæsibæ samkvæmt samkomulagi sem Hreyfing og Orkuveitan hafa gert.

Fram kemur í tilkynningu frá Hreyfingu að um sé að ræða jarðsjó sem tekinn verður úr sjávarkantinum norður af Sæbraut gegnt Kringlumýrarbraut með því að bora niður á 14 metra dýpi. Sjórinn fer síðan í gegnum sandsíunarbúnað áður en honum er dælt í heitu potanna.

Bent er að á sjór sé talinn hafa heilnæm og góð áhrif á húðina og hafi sjóböð verið stunduð víða um heim um langt skeið. Sá munur er þó á að sjórinn í pottunum verður heitur.