Myndbandið af Nicolas Cage sem allir eru að tala um

Leikarinn Nicolas Cage hefur lengi verið duglegur við að leika sturlaða menn, en nú veltir almenningur í Rúmeníu fyrir sér hvar mörkin milli leiks og alvöru liggja.

Erpur og Steindi Jr nota gúmmíhanska

Borðspilið Flakk kom á markað nú fyrir jólin en spilið hönnuðu nokkrir félagar sem áttu það sameiginlegt að finnast ekkert til af borðspilum annað en orða- og spurningaspil. Framleiðsla spilsins fer öll fram hér á Íslandi og pakka framleiðendurnir spilunum sjálfir. Viðtökur spilsins hafa verið það góðar undanfarið að allir sem vettlingi geta valdið voru fengnir til aðstoðar. Eins og myndirnar sýna mættu stjörnurnar Steindi Jr. og Erpur til að aðstoða við pökkunina og notuðust þeir við gúmmíhanska eins og myndirnar sýna greinilega. „Þeir voru mjög duglegir og engin spil féllu á gæðaprófinu eftir pökkun. Erfitt var að fá þá til að einbeita sér að verkefninu í byrjun en svo kom það og þeir unnu eins og róbótar við pökkunina." segir Svavar Melberg sem er einn hönnuða spilsins og eigenda Drekafisk sem gefur spilið út.

Nick Cave valdi Ólöfu Arnalds

„Það er frábært að fá að spila á undan Nick Cave í hans heimalandi,“ segir tónlistarkonan Ólöf Arnalds, sem hitar upp fyrir hljómsveitina Grinderman á tónleikum í Tasmaníu í Ástralíu um miðjan janúar.

Eyðir jólunum með bandarísku sjónvarpsfolunum

„Þeir ætla að vera saman í New York yfir hátíðarnar og buðu okkur að koma með,“ segir Andri Jónsson, 21 árs starfsmaður á Austri, en hann vingaðist við þá Shawn Pyfrom og Penn Badgley þegar þeir voru staddir hér á landi fyrir skömmu.

Forsprakki Cave In til Íslands

Steve Brodsky, söngvari og gítar­leikari bandarísku rokksveitarinnar Cave In, spilar á Sódómu Reykjavík á fimmtudagskvöld. Brodsky á að baki fimmtán ára feril með Cave In en hefur undanfarin ár látið að sér kveða sem sólótónlistarmaður.

Hæðir og lægðir Zac og Vanessu

Zac Efron og Vanessa Hudgens eru hætt saman eftir tæplega fimm ára samband. Hinn 23 ára gamli Zac og hin 22 ára gamla Vanessa felldu hugi saman við tökur á kvikmyndinni High School Musical fyrir fimm árum, en nú skilja leiðir.

Spila póker til styrktar Ellu Dís

„Allur ágóði af mótinu rennur beint til þeirra mæðgna og vonast ég til að sem flestir sjái sér fært að leggja okkur lið,“ segir Davíð Rúnarsson, einnig þekktur sem Dabbi Rú, eigandi Gullaldarinnar í Grafarvogi.

Læðurnar sækja í Jóhann Pál

„Ég hélt auðvitað að þetta væri vegna kvenhylli minnar,“ segir Jóhann Páll Valdimarsson, bókaútgefandi hjá Forlaginu.

Jólapopp á Café Haití

Skemmtidagskráin Jólapopp fer fram á Café Haití, miðvikudagskvöldið 15. desember kl. 21:00. Boðið verður upp á þrjú atriði.

Ja Rule í steininn

Rapparinn Ja Rule má muna fífil sinni fegri. Hann náði talsverðum vinsældum upp úr aldamótum, en lítið hefur spurst til hans undanfarin misseri. Þar til nú.

Skáld á jaðri jaðarskálda

Bókaforlagið Omdúrman gefur út í samvinnu við Listasafn Íslands bókina Jónas E. Svafár – ljóð og myndir. Þröstur Helgason ritstýrði verkinu um þennan sérstaka listamann.

Dexter skilinn

Dexter-stjörnurnar Michael C. Hall, 39 ára, og Jennifer Carpenter, 31 árs, eru hætt saman. Fjölmiðlafulltrúinn þeirra sendi tilkynningu sem hljómaði svona: Eftir að hafa verið skilin að skiptum í þó nokkurn tíma, hafa Jennifer Carpenter og Michael C. Hall sótt um endanlegan skilnað. Jennifer og Michael giftu sig í desember árið 2008 eftir að hafa kynnst við tökur á sjónvarpsþáttunum Dexter.

Glætan að þið séuð ennþá æðislega góðir vinir

Söng- og leikaraparið Zac Efron, 23 ára, og Vanessa Hudgens, 22 ára, eru hætt saman eftir 4 ára samband. Samkvæmt fréttatilkynningu sem fyrrum kærustuparið sendi frá sér eru þau ennþá æðislega góðir vinir þrátt fyrir sambandsslitin. Zac er um þessar mundir upptekinn við að leika í kvikmyndinni The Lucky One í New Orleans og Vanessa er stödd á Hawaii. Skoða má Zac og Vanessu á meðan allt lék í lyndi í meðfylgjandi myndasafni.

Pollapönk tekur fram úr Botnleðju í plötusölu

Hljómsveitin Pollapönk er að taka fram úr Botnleðju í vinsældum ef marka má seldar plötur. Sömu meðlimir eru í báðum sveitum, þeir Heiðar og Halli. Nýjasta plata Pollapönks, Meira pollapönk, hefur selst í um tvö þúsund eintökum, sem er svipað og jafnvel ívið meira en þrjár síðustu plötur Botnleðju. Haraldur Freyr Gíslason og Heiðar Örn Kristjánsson eru meðlimir beggja sveitanna, en Botnleðja hefur ekki starfað undanfarin sjö ár.

Hollywood stígur í vænginn við Óskar frænda

Um þetta leyti ársins eru tvö orð vinsælust í Hollywood: „Oscar buzz“ eða „Óskarsmöguleiki“. Tilnefningarnar verða ekki tilkynntar fyrr en á nýju ári en aðrar verðlaunahátíðir eru farnar að draga upp víglínuna.

X-mas til styrktar Stígamótum á Sódómu

Hinir árlegur X-mas tónleikar Xins 977 fara fram á Sódómu Reykjavík, föstudagskvöldið 17 desember. Aðgangseyrir er 977 krónur og rennur allur aðgangseyrir óskiptur til Stígamóta.

LA Times spáir Jónsa Óskarstilnefningu

Todd Martens, tónlistarskríbent bandaríska stórblaðsins Los Angeles Times, spáir því að Jónsi, oftast kenndur við Sigur Rós, hljóti tilnefningu til Óskarsverðlauna fyrir lagið sitt Sticks and Stones sem hljómaði í teiknimyndinni How to Train Your Dragon. Jónsi var fyrr á þessu ári tilnefndur til World Soundtrack Award en tapaði fyrir T-Bone Burnett og laginu The Weary Kind úr kvikmyndinni Crazy Heart.

Elín sleikir sárin með samnemanda

Á meðan fyrrverandi eiginmaður hennar, Tiger Woods, rembist eins og rjúpan við staurinn við að ná tökum á sveiflunni og koma ferli sínum aftur í gang er Elin Nordegren nú sögð komin með nýjan kærasta. Sá er víst nemandi við háskóla í Flórída, eins og Elin, og er 35 ára maður frá Suður-Afríku. „Það hafa verið kossar og faðmlög en ég veit ekki hvort þetta hefur gengið eitthvað lengra,“ sagði heimildarmaður The Sun sem greindi fyrst frá málinu. Elin er ekki á flæðiskeri stödd eftir að gengið var formlega frá skilnaði hennar og Tigers því samkvæmt fréttum fékk hún hundrað milljónir dollara frá kylfingnum lausláta.

Baksviðs á Frostrósum

Frostrósir héldu ferna uppselda tónleika í Laugardalshöll um helgina. Hátt í 200 manns voru á sviði þegar mest lét og áhorfendur sem troðfylltu Höllina héldu heim í jólaskapi efitr dynjandi lófatak. Hátt í þrjátíu þúsund manns sjá og heyra Frostrósir fyrir þessi jól, en næst verða þær á Akureyri þar sem uppselt er á fimm af sex tónleikum í Hofi. Eins og sjá má af meðfylgjandi myndum var ekki síður gaman baksviðs.

Borgaði 41 milljón í skatt

Bandaríska leikaranum Nicholas Cage tókst að nurla saman rúmum 360 þúsund dölum eða 41 milljón króna til að greiða skattinum í Bandaríkjunum. Þetta kom fram á Wikileaks-síðu fræga fólksins, TMZ. Cage skuldaði skattinum fjórtán milljónir í ógreidda skatta og gjöld fyrir árin 2002, 2003, 2004 og 2007 en hefur nú innt af hendi greiðslu í reiðufé til skattsins samkvæmt skjölum sem TMZ hefur undir höndum.

Kate komin með kjólahönnuð

Mikil spenna og eftirvænting hefur ríkt í tískuheiminum yfir því hver muni hanna brúðarkjól Kate Middleton, tilvonandi eiginkonu Vilhjálms Bretaprins. Nú virðist sem niðurstaða sé komin í málið, en breski fatahönnuðurinn Bruce Oldfield hefur að sögn slúðurmiðla orðið fyrir valinu.

Á tökustað Karla sem hata konur

„Ég talaði við leikstjórann [David Fincher] hvort ég gæti fengið einhverja svipaða vinnu og hann sagði að ég gæti unnið allan sólarhringinn ef ég vildi,“ segir Baldur Bragason, íslenskur ljósmyndari sem hefur verið starfandi í Svíþjóð undanfarin tíu ár.

Justin Bieber slær Eminem og Lady Gaga við á Youtube

Ef Justin Bieber væri Íslendingur hefði hann verið fermdur fyrir tveimur árum. Hann er orðinn alþjóðleg ofurstjarna – á einu ári. Bieber bætti enn einni rósinni í hnappagatið á dögunum þegar kom í ljós að myndband hans við lagið Baby var það vinsælasta á Youtube á árinu.

Frikki Weiss með fjögurra metra jólatré

„Ég er að drepast í bakinu enda þurfti ég að fá hjálp frá tveimur nágrönnum mínum til að bera tréð upp fjórar hæðir,“ segir veitingamaðurinn Friðrik Weisshappel. Stofa Friðriks í Kaupmannahöfn skartar nú rúmlega fjögurra metra háu jólatré sem nær upp á milli tveggja hæða. „Ég hló bara svona geðveikislegum hlátri þegar tréð var komið og hugsaði með sjálfum mér hvort það væri ekki einhver keppni sem ég gæti unnið eins og hver væri með hæsta jólatréið heima hjá sér,“ heldur Friðrik áfram. Hann reif síðan upp málbandið og mældi tréð sem reyndist vera fjórir metrar og tuttugu sentimetrum betur.

Coldplay sendir frá sér þemaplötu

Chris Martin, söngvari bresku hljómsveitarinnar Coldplay, hefur upplýst að væntanleg plata hljómsveitarinnar sé þemaplata (e. concept album). Nafn plötunnar og útgáfudagur eru enn á huldu, en Martin sagði í viðtali við BBC að þetta væri mjög persónuleg plata. „Á plötunni er sagt af tveimur einstaklingum sem eru frekar týndir, sagan er sögð frá þeirra sjónarhorni. Þau hugsa eins, en eru í erfiðu umhverfi og fara í ferðalag saman.“

Hjónabandi Hurley lokið

Leikkonan Elizabeth Hurley hefur skilið við eiginmann sinn, indverska viðskiptajöfurinn Arun Nayar, eftir þriggja ára hjónaband. „Þetta var slæmur dagur. Svo að það sé nú á hreinu þá hættum við Arun saman fyrir nokkrum mánuðum. Vinir okkar og fjölskyldur vita af þessu,“ skrifaði hin 45 ára Hurley á Twitter-síðu sína.

Social Network best

Kvikmyndin The Social Network, sem fjallar um upphaf Facebook-síðunnar, hefur verið kjörin besta mynd ársins af gagnrýnendasamtökum Los Angeles. Leikstjóri myndarinnar, David Fincher, var kjörinn besti leikstjórinn ásamt Olivier Assayas sem átti bestu erlendu myndina, Carlos. Handritshöfundur The Social Network, Aaron Sorkin, var einnig verðlaunaður auk þess sem tónlistin í myndinni var kjörin sú besta, ásamt tónlistinni í The Ghost Writer.

Jolie finnst erfitt að vera ein í baði

Leikkonan Angelina Jolie segir það ekki fara í taugarnar á sér hve lítinn tíma hún hefur fyrir sjálfa sig. Hún undrast raunar hve vel hún taki þessu, því áður fyrr naut hún þess að vera í ró og næði.

Róar ófríska konu

Chris Rock nýtti húmorinn á frekar óhefðbundinn hátt um helgina, þegar hann kom ófrískri konu til hjálpar í verslunarmiðstöð í New Jersey. Konan var að stíga af rúllustiga þegar hún skyndilega missti legvatnið. Leikarinn var ekki langt undan og hóf að segja konunni og nærstöddum alls konar brandara í von um að róa þá ófrísku.

Zoolander 2 kemur brátt

Owen Wilson hefur sefað aðdáendur kvikmyndarinnar Zoolander og upplýst að það styttist í framhaldsmyndina. „Það er komið virkilega gott handrit,“ sagði gaman­leikarinn við fjölmiðla um helgina en Owen lék ofurfyrirsætuna Hansel í fyrri myndinni.

Sumum leiddist ekki í EFJ ilmvatnsboðinu

Sigrún Lilja Guðjónsdóttir framkvæmdastjóri Gyðja Collection stóð fyrir stórglæsilegum opnunarviðburði á laugardaginn þegar nýja ilmvatnið sem unnið er úr Eyjafjallajökli, EFJ Eyjafjallajökull by Gyðja, var kynnt í fyrsta sinn og það með látum. Mikil leynd ríkti yfir viðburðinum sem haldinn var á veitingastaðnum Austur. Það var fjölmiðlakonan Friðrika Hjördís Geirsdóttir sem hélt uppi stemningunni í hlutverki veislustjóra.

Fallega fólkið fílar Baggalút

Jólatónleikar Baggalúts sem fram fóru í Háskólabíó í gærkvöldi eru ómissandi og órjúfanlegur hluti af jólahaldi margra. Hljómsveitin flutti þekkta slagara fyrir troðfullu húsi eins og henni einni er lagið. Gríðarleg fagnaðarlæti brutust út þegar hljómsveitin tók jólalagið Saddur sem er á annarri jólaplötu sveitarinnar Næstu jól en hún er sjálfstætt framhald plötunnar Jól & blíða sem kom út árið 2006. Eins og meðfylgjandi myndir sýna voru tónleikagestir áberandi fríðir og í jólastuði. Baggalútur heldur aukatónleika í Háskólabíó í kvöld.

Leikur þokkafullan útrásarvíking

„Mér líst vel á þessa þætti og fólkið í kringum þá. Ég var að fá handritið í hendurna og er því ekki búinn að kynna mér persónuna í þaula,“ segir Guðmundur Ingi Þorvaldsson. Hann hefur ráðinn í hlutverk útrásarvíkings en sá mun leika stóra rullu í sjónvarpsþáttunum Makalaus sem byggðir eru samnefndri bók Þorbjargar Marinósdóttur, Tobbu Marinós. Bókin naut feykilegra vinsælda á þessu ári og fjallar um sýn ungrar, einhleyprar stúlku í Reykjavík og þeim ævintýrum sem hún lendir í.

Arney Ingibjörg sigraði Röddina

„Þetta kom rosalega á óvart og ég er eiginlega ennþá í sjokki,“ segir hin sextán ára gamla Arney Ingibjörg Sigurbjörnsdóttir. Hún sigraði í söngkeppninni Röddinni en þættir með keppninni hafa verið sýndir á Stöð 2 að undanförnu. Hátt í níu hundruð keppendur á aldrinum 12 til 16 ára skráðu sig til leiks og því var leiðin að sigrinum bæði löng og ströng. Arney segir frábært fyrir sig að vinna jafn stóra keppni og Röddin sé. „Ég hélt pottþétt að ég myndi ekki vinna en mér leið æðislega þegar Sveppi tilkynnti hver væri sigurvegarinnar.“

Möguleg gifting

Orðrómur þess efnis að Nicole Richie og Joel Madden ætli að ganga í það heilaga er aftur kominn á kreik. Samkvæmt Hollywood Life mun brúðkaupið eiga sér stað á morgun á heimili föður Richie.

Hasselhoff sparkað

Lífið er ekki bara hvítar strandir og sólbrenndir líkamar hjá David Hasselhoff. Nú hefur raunveruleikaþáttur hans, The Hasselhoffs, verið tekinn af dagskrá A&E-sjónvarpsstöðvarinnar eftir aðeins tvo þætti.

Héldust í hendur

Robert Pattinson og Kristen Stewart snæddu kvöldverð á veitingastaðnum Fleming’s Prime Steakhouse ásamt tökuliði nýjustu Twilight-myndarinnar fyrr í vikunni. Að sögn sjónarvotta virtist parið afskaplega ástfangið.

Safnar skóm fyrir fátæk börn

Fatahönnuðurinn Una Hlín Kristjánsdóttir hannar undir heitinu Royal Extreme. Hún stendur nú fyrir skósöfnun handa börnum á Indlandi í samstarfi við vefverslunina Worn by Worship.

Miley Cyrus reykti salvíu

Netsíðan TMZ.com birti í gær myndband þar sem Disney-stjarnan Miley Cyrus virðist vera að reykja kannabis með nokkrum vinum sínum. Talsmaður Cyrus hefur neitað sögusögnunum og sagt hana vera reykja salvíu sem sé löglegt í Kaliforníufylki.

Herbert gefur út tónleika sem hurfu

Popparinn Herbert Guðmundsson hefur gefið út mynddisk sem var tekinn upp á tónleikum hans í Íslensku óperunni. Þar söng hann öll sín bestu lög, þar á meðal Svaraðu, Hollywood og að sjálfsögðu Can"t Walk Away. „Þessir tónleikar voru teknir upp 2002 en svo hurfu þeir,“ útskýrir Herbert.

Sumir komast upp með að sitja fyrir allsberir

Danska fyrirsætan Helena Christensen situr fyrir kviknakin, eins og meðfylgjandi myndir sýna, klædd í EasyTone strigaskó í auglýsingaherferð Reebok. Ekki nóg með að Helena lofi strigaskóna heldur stillir hún sér upp í engu eins og ekkert sé eðlilegra. Fyrirsætan lét hafa eftir sér: „Ég er óþolinmóð og þegar ég prófa eitthvað nýtt vil ég sjá afraksturinn strax. Ég fann að þessir skór virkuðu um leið og því hélt ég áfram að nota þá.“ Loftpúðarnir í sólunum á þessum skóm eru afrakstur ítarlegrar rannsóknavinnu. Þeir byggja á sérstakri Moving Air tækni sem er náskyld tækninni á bak við Pilates æfingaboltana. Loft flæðir milli púða í sólanum svo að þegar skórnir eru notaðir er eins og stöðugt sé verið að gera jafnvægisæfingar. Jafnvægisæfingar styrkja djúplæga kvið- og bakvöðva sem gerir það að verkum að bakverkir geta minnkað. Skórnir eru ætlaðir til daglegra nota, hvort sem er í vinnu, skóla eða göngutúra. Þeir henta sérstaklega vel fyrir þá sem þurfa að standa mikið.

Jamie Oliver hjólar í Ramsay

Jamie Oliver húðskammar Gordon Ramsay í viðtali við breska blaðið Daily Mail. Ramsay fór nýlega til Indlands og kynnti sér matargerð þar ásamt tökuliði Channel 4 og var afraksturinn sýndur í sjónvarpsþáttaröð Ramsay, Gordon‘s Great Escape.

Longoria sökuð um framhjáhald

Aðþrengda eiginkonan Eva Longoria sótti nýverið um skilnað frá eiginmanni sínum, körfuboltamanninum Tony Parker. Ástæða skilnaðarins er sú að Parker átti að hafa átt vingott við aðra konu.

Handleggsbraut hljómsveitarfélaga sinn

„Ég get ekki spilað á gítarinn, en ég prófa að spila á bassa,“ segir Björgvin Ívar Baldurs­son, gítarleikari hljómsveitanna Lifun og Klassart.

Vildi verða rappari

Robert Pattinson þráði ekkert heitar en að verða rappstjarna sem unglingur. Robert, sem þekktastur er fyrir að leika vampíruna Edward Cullen í Twilight-kvikmyndunum, var með rapparann Eminem á heilanum og tók sjálfan sig upp rappa lög eftir kappann. „Ég á heilt safn af upptökum af mér að rappa frá þrettán ára aldri. Ég var með Eminem á heilanum þegar ég var yngri.“