Tvær tónlistarhátíðir um ferðahelgi

Tvær tónlistarhátíðir verða haldnar á Akureyri og í Rangárvallasýslu um hvítasunnuhelgina, þessa fyrstu stóru ferðahelgi ársins. Önnur heitir AIM-festival en hin Norden Blues Festival.

Kylie gengur í það heilaga

Ástralska söngstjarnan Kylie Minogue er farin að búa sig undir væntanlegt brúðkaup því spænski kærastinn hennar, Andreas Velencoso, hefur beðið hana um að giftast sér. Andreas bar upp bónorðið yfir rómantískum kvöldverði í New York og samkvæmt heimildum Grazia-tímaritsins svífa ástríðurnar yfir vötnum hjá turtildúfunum.

Morrissey aflýsir tónleikum vegna veikinda

Breski tónlistarmaðurinn Morrissey hefur þurft að aflýsa þremur tónleikum síðustu daga vegna veikinda. Hann hefur neyðst til að fresta eða aflýsa fjölda tónleika eftir að listamaðurinn hóf tónleikaferð sína í febrúar. Morrissey tróð upp í Laugardalshöll árið 2006.

Iðnaðarráðherra er sápuóperufíkill sem elskar þýska boltann

Sýnd var nærmynd af Katrínu Júlíusdóttur, iðnaðarráðherra í Íslandi í dag fyrr í kvöld. Þar kom fram að Katrín er meðal annars sápuóperufíkill sem elskar þýska boltann, þá aðallega liðið Kaiserslautern.

Nýjasta mynd Bens Stillers feikivinsæl

Nýjasta kvikmynd bandarísku stjörnunnar Bens Stillers, Night at the Museum: Battle of the Smithsonian, er feikivinsæl vestanhafs og sáu fleiri myndina nú um helgina frekar en nýjustu myndina um sjálfan Tortímandann, Terminator Salvation.

Maddy segir tærnar hafa kalið á Íslandi

„Það var algjörlega stórkostlegt að fara til Íslands og ég er svo ánægð með að ég lét verða af því að fara þangað," segir Maddy, ein af þátttakendunum í Britain´s Next Top Model í samtali við Digital Spy slúðurvefinn.

Lúðrasveitir blása lífi í borgina

Reykvíkingar munu á næstunni verða varir við lúðrasveitir á göngu víðsvegar um borgina. Þar er á ferðinni verkefnið "Blásum lífi í borgina" sem er samstarfsverkefni Reykjavíkurborgar og Lúðrasveitar verkalýðsins. Á heimasíðu Lúðrasveitar verkalýðsins segir að hugmyndin að þessu verkefni hafi kraumað meðal ráðamanna Lúðrasveitar verkalýðsins síðan um síðasta sumar.

Dóttir Tysons í bráðri lífshættu

Fjögurra ára gömul dóttir Mikes Tysons hnefaleikakappa slasaðist alvarlega á heimilinu sínu í gær. Fox fréttastofan segir að 7 ára gamall bróðir stúlkunnar, sem heitir Exodus, hafi komið að henni þar sem hún hékk í snúru sem tengd var í hlaupabretti. Hún er nú í bráðri lífshættu á St. Josephs spítalanum.

Tekur Svía framyfir Íslendinga

Jóhanna Guðrún Jónsdóttir Evróvisionstjarna er á leið til Svíþjóðar til fundarhalda og samningaviðræðna ásamt umboðskonu sinni, Maríu Björk Sverrisdóttur.

Auddi á úrslitaleikinn í Róm

„Ég hlakka mikið til, þetta verður stemning,“ segir sjónvarpsmaðurinn Auðunn Blöndal sem er á leiðinni til Rómar þar sem úrslitaleikur Meistaradeildar Evrópu fer fram á milli Manchester United og Barcelona á miðvikudag. Ekki er um vinnuferð að ræða heldur ætlar Auddi eingöngu að mæta til að styðja við bakið á sínum mönnum í United.

Mel Gibson á von á afkvæmi

Ástralski leikarinn Mel Gibson hefur játað að nýja unnustan, hin rússneska Oksana Grigorieva, beri barn hans undir belti og eigi von á sér í haust.

Hugleikur aftur í Símaskrána

„Mér fannst ég ekki vera búinn að klára þessar persónur,“ segir Hugleikur Dagsson, sem hefur annað árið í röð samið myndasögu fyrir Símaskrána. „Ég reyndi að gera þetta eins sjálfstætt framhald og ég gat en sagan er samt framhald af atburðum fyrri bókar.“

Einstæðar mæður skrifa leikrit fyrir Borgarleikhúsið

„Þetta er svona Full Monty, nema bara fyrir leikhúsið og það er engin sem fækkar fötum,“ segir Auður Jónsdóttir, rithöfundur og leikritaskáld. Hún var leiðbeinandi tveggja hópa í Kvennasmiðju námsflokka Reykjavíkur í skapandi skrifum en nemendurnir voru átján einstæðar mæður. Útgefendur skyldu hafa augun hjá sér og fylgjast vel með hópnum því einn þekktasti rithöfundur síðari tíma, J.K. Rowling, var einmitt einstæð móðir þegar hún skrifaði sögurnar um Harry Potter.

James Bond leyfð öllum en Madagascar 2 bönnuð

Tómas Valgeirsson, einn af stjórnendum síðunnar Kvikmyndir.is og starfsmaður raftækjadeildar Hagkaupa sem selur DVD-diska, segir að misræmi í aldursmerkingum á DVD-myndum sé bagalegt. Tómas ætlar að koma á fót aðgengilegum og öflugum gagnagrunni á síðunni kvikmyndir.is sem foreldrar geta stuðst við í framtíðinni vilji þeir kaupa eða leigja mynd fyrir börnin sín.

Nýjasta plata Eminem beint á toppinn í Bretlandi

Nýjasta platan með bandaríska rapparanum Eminem, Relapse, er þessa stundina vinsælsta platan í Bretland en hún rauk á toppinn þegar hún kom í nýverið í verslanir. Þetta er fyrsta plata listamannsins í sem kemur út í fjögur ár.

Hrafna syngur "Alla leið" - Myndband

Idolstjarnan Hrafna sem sigraði hug og hjörtu Íslendinga í úrslitum keppninnar á dögunum hefur sent frá sér myndband sem hægt er að horfa á á YouTube. Þar flytur hún lagið "Alla leið" sem þeir félagar Örlygur Smári og Páll Óskar Hjálmtýsson sömdu sérstaklega fyrir keppnina.

Ólafur Ragnar fær eintak af hljóðbók MND félagsins

"Björt framtíð" er safn greina eftir 49 höfunda sem komin er út á hljóðbók á vegum MND félagsins. Höfundar greinanna koma úr ýmsum áttum en meðal þeirra eru: forseti og biskup Íslands, bæjarstjórar, húsmóðir, prófessorar, verkstjórar, iðnaðarmaður, forstjórar, klæðskeri og prestar. Í tilefni af útgáfunni bauð MND félagið greinahöfundum og aðstandendum verksins til fundar í Fjörugarðinum í Hafnarfirði í hádeginu í dag þar sem Ólafi Ragnari Grímssyni forseta Íslands var afhent fyrsta eintakið af hljóðbókinni.

Dylan varar við nútímatækni

Hinn margrómaði söngvari Bob Dylan ráðleggur ungu fólki að nota sem minnst nútímatækni eins og iPod, tölvuleiki eða farsíma.

Bacon elti vasaþjóf

Hollywoodleikarinn Kevin Bacon elti vasaþjóf sem stal farsímanum hans í neðanjarðarlest í New York á laugardaginn. Kevin hljóp á eftir þjófnum í gegnum mannmergð en gafst fljótlega upp og kallaði á lögregluna.

Gísli Örn og Nína fá sinn drykk

Öldurhúsið Vickery‘s í Charleston, Suður Karólínu, hefur ákveðið að bjóða upp á sérstakan drykk sem er tileinkaður leiksýningunni Don John en aðalhlutverkin í henni leika þau Gísli Örn Garðarsson og Nína Dögg Filippusdóttir. Hefur honum verið gefið nafnið The Union Jack. Frá þessu er greint í staðarblaðinu Charleston City Paper. Fram kemur í fréttinni að drykkurinn samanstandi meðal annars af kanadísku viský, grenadine og trönuberjasafa og kemur fram að hann sé nokkuð sterkur. Jafnframt er greint frá því að leikhópurinn hafi tekið nokkuð ástfóstri við kránna og ef að gestir og gangandi séu heppnir geti þeir jafnvel komið auga á aðalstjörnu sýningarinnar; Gísla Örn.

Húsmæður í skoskum smábæ brjálaðar út í Magnús Scheving

Skoskar húsmæðir í smábænum Hamilton á Skotlandi urðu heldur betur hvumsa þegar þær mættu með börnin sín og ætluðu að leyfa þeim að sjá hetjuna þeirra úr sjónvarpi; Sportacus eða Íþróttaálfinn. Samkvæmt skipulagðri dagskrá mikillar matarhátíðar átti Sportacus að mæta á svæðið og sýna listir sínar. Mæðurnar létu ekki rigningu á sig fá enda krakkarnir alveg óðir af spenningi yfir því að sjá íslensku ofurhetjuna. „Við urðum alveg rosalega reiðar þegar við sáum að þetta var ekki Magnus Scheving heldur einhver ástralskur táningur í ljótum búningi með yfirvaraskegg sem var alltaf að detta,“ segir Mairi Breen í samtali við staðarblaðið The Hamilton Advertiser.

-sme með nýtt blað

Tryllingsleg reið Sigurjóns M. Egilssonar um fjölmiðlamarkaðinn hefur nú farið í einskonar hring – nýtt blað í hans ritstjórn um sjávarútveg er í vinnslu og er væntanlegt í byrjun júní.

Stefán Karl kemur heim til Búðardals

„Þetta er fyrsta aðalhlutverkið mitt í íslenskri bíómynd og þótt víðar væri leitað,“ segir Stefán Karl Stefánsson, stórleikari í Los Angeles. Hann leikur aðalhlutverkið í nýjustu kvikmynd Ólafs Jóhannessonar, Laxdæla Lárusar Skjaldarsonar, sem fer í tökur í sumar. Stefán leikur þar áðurnefndan Lárus, borgarbarn með allt niðrum sig. Hann ákveður að breyta um umhverfi, flytjast vestur og taka að sér uppbyggingu Sláturhússins í Búðardal. „Mér líst bara ljómandi vel á þetta, ég verð á landinu í sumar við að kynna plötuna mína þannig að þetta hentaði mér bara mjög vel,“ segir Stefán. Annars ganga upptökur á plötunni ganga vel, meira að segja fyrrum trommuleikari Dobbie Brothers og Neil Diamond hefur lamið húðirnar í sumum lögunum en hún kemur út þann 23.júní.

Augu Hollywood til Íslands

Sex af fremstu tökustjórum Hollywood eru væntanlegir til landsins í dag og hyggjast skoða náttúru Íslands í fylgd íslenskra framleiðslufyrirtækja. Tökustjórar (e. location managers) eru hálfgerð augu Hollywood en þeirra hlutverk er að finna heppilegustu tökustaðina fyrir stórmyndir frá kvikmyndaborginni.

Hætta við skilnað - aftur

Óskarsverðlaunahafinn Sean Penn sótti sum skilnað frá Robyn Wright Penn eiginkonu sinni í síðasta mánuði en þau hafa verið gift í þrettán ár. Hann bað hinsvegar dómstóla um að fella málið niður á þriðjudag. „Þetta voru hrokafull mistök," sagði Penn við fjölmiðla í kjölfarið. Þetta er ekki í fyrsta sinn sem þau hjónin hætta við skilnað.

Hudson hafði betur gegn Diaz

Það verður líklega langt í að þær stöllur Cameron Diaz og Kate Hudson stilli sér saman upp á rauða dreglinum eftir að sú síðarnefnda hafði betur í baráttunni um hlutverk í dansmynd sem Cameron vildi ólm hreppa.

Vill giftast og eignast börn með nýja kærastanum

Glamúrgellan og hótelerfinginn Paris Hilton hefur verið á föstu með sjónvarpsstjörnunni Doug Reinhardt undanfarna fimm mánuði. Þau hafa undnfarið verið á kvikmyndahátíðinni í Cannes þar sem þau hafa meðal annars sótt sömu veislur og Björgólfur Thor Björgólfsson og eiginkona hans.

Myndaði bresku topp módelin í Bláa Lóninu

Nú fer að hefjast ný þáttaröð af bresku þáttunum, Britain´s Next Top Model en nýjasta þáttaröðin hefst þar í landi á morgun. Daily Mail segir frá myndatöku sem hin íslenska Huggy Ragnarsson tók í Bláa Lóninu á dögunum og verður í þættinum. Blaðakona blaðsins fylgdist með myndatökunni þar sem hitastigið féll á sama tíma og keppnin hitnaði.

Katie Price: Langar aftur í Pete-inn sinn

Hin nýeinhleypa Jordan hefur lýst því yfir að hún vilji fá eiginmann sinn, Peter Andre, til baka. Hún hefur nú viðurkennt að hafa gert „stærstu mistök ævi minnar“ þegar hún ákvað að láta eiginmanninn sér úr greipum ganga.

Með lag í So you think you can dance

Emiliana Torrini á lag í fyrsta þætti af nýjustu þáttaröðinni af bandarísku þáttunum, So you think you can dance, sem sýndir hafa verið á Stöð 2 í gegnum árin. Nú fer að hefjast fimmta þáttaröðin af þessum vinsælu þáttum og spennan er farin að magnast.

Nýtur aðstoðar lögfræðings Paul McCartney

Fyrirsætan Jordan eyddi afmælisdegi sínum í að ræða við skilnaðarlögfræðing Paul McCartney en hún varð 31 árs gömul í gær. Einnig kom í ljós að hún er með húðflúrað nafn eiginmannsins á handleggnum.

Lúxus á árlegri aðdáendahátíð EVE online

Þrátt fyrir að enn séu fjórir mánuðir til stefnu eru tölvuleikjaunnendur vestan hafs byrjaðir að ræða árlega aðdáendahátíð hins íslenska EVE online. Fáir leikir sem þessir halda aðdáaendahátíðir sínar utan Bandaríkjanna en hátíð EVE er alltaf haldin í Reykjavík. Í ár fer hún fram 1.-3. október á þessu ári. Þrátt fyrir erfiðleika í efnahagsmálum virðist hátíðin í ár ætla að verða sú allra flottasta.

Þvottalaugaganga í dag

Listahátíð í Reykjavík og listamannahúsið START ART standa fyrir glæsilegum gjörningi tileinkuðum þeim konum sem þvoðu þvott í gömlu þvottalaugunum í Laugardal. Þetta kemur fram í tilkynningu frá Lilstahátíð í Reykjavík.

Akranesmær Ungfrú Ísland 2009

Guðrún Dögg Rúnarsdóttir 18 ára stúlka frá Akranesi var kjörin Fegurðardrottning Íslands 2009, en keppnin fór fram á Broadway í gærkvöldi. Guðrún Dögg lenti í öðru sæti í keppninni um Ungfrú Vesturland 2009.

Amy Winehouse aflýsti fyrirhuguðum tónleikum

Vandræðagemsinn Amy Winehouse hefur aflýst fyrirhuguðum tónleikum í Bretlandi, samkvæmt upplýsingum frá talsmönnum hennar.

Léttklæddar fegurðardrottningar í Nauthólsvík - myndir

Keppendur í Ungfrú Ísland fegurðarsamkeppninni léku sér í strandbolta og frisbee í fyrradag í Nauthólsvíkinni. Veðurblíðan var með eindæmum góð og einbeitingin skein úr augum stúlknanna þegar þær öttu kappi. Anton Brink, ljósmyndari Fréttablaðsins stóðst ekki mátið og tók nokkrar myndir af fljóðunum fögru.

Jóhanna Guðrún með tónleika í Laugardalshöll

Söngkonan unga og Eurovisonfarin Jóhanna Guðrún Jónsdóttir sem unnið hefur hug og hjörtu Íslendinga og heillað fjölmarga í Evrópu með frábærum söng og fallegri framkomu kemur fram á tónlekum í Laugardalshöll 4. júní.

Guðmundur fjallar um leiðina að silfrinu í Skemmtigarðinum

Skemmtigarðurinn í Grafarvogi var nýverið opnaður formlega. Í garðinum er boðið upp á margs konar skemmtun fyrir allar gerðir hópa sem vilja bregða á leik, efla andann og eiga eftirminnilegan dag í ævintýralegu umhverfi. Meðal þess sem boðið er upp á er fyrirlestur landsliðsþjálfarans, Guðmundar Guðmundssonar.

Ungfrú Ísland: Keppendur í fínu formi í ár

„Ég er búinn að vera að vinna heilmikið með þeim og aðstoða og það er bara búið að vera ægilega gaman. Þær eru mjög jafnar í ár," segir Heiðar.

Grimmdarleg hefnd Audda

Vinnustaðahrekkur Sveppa tókst vonum framar og hefnd Audda reyndist brútal.

Nýr liðsmaður Esju

Englendingurinn Smutty Smiff, fyrrverandi meðlimur rokkabillísveitarinnar The Rockats sem var vinsæl á áttunda áratugnum, hefur gengið til liðs við hljómsveitina Esju.

Selur börnin í auglýsingar

„Ég myndi aldrei setja þau í námugröft. Eða láta þau í að draga kerrur í álveri. En ef þeim býðst auðveld vinna við leik – þá telst það ekki barnaþrælkun,“ segir Gunnar L. Hjálmarsson tónlistarmaður – betur þekktur sem neytendafrömuðurinn Dr. Gunni.

Stofutónleikar í stórborginni

Hljómsveitirnar Amiina og Bloodgroup ásamt tónlistarmönnunum Jóni Ólafssyni og Ólöfu Arnalds verða á meðal þeirra sem koma fram á stofutónleikum Listahátíðar Reykjavíkur frá föstudegi til sunnudags.

Ensími spilar Kafbátamúsík

Fyrstu tónleikarnir í tónleikaröðinni Manstu ekki eftir mér fara fram á Nasa 11. júní. Í tónleikaröðinni koma fram þekktar íslenskar hljómsveitir og flytja sígildar eigin hljómplötur í heild sinni. Hljómsveitin Ensími ríður á vaðið og leikur lög af plötunni Kafbáta­músík sem kom út hjá útgáfufélaginu Dennis árið 1998. Platan hlaut gríðarlega góðar viðtökur þegar hún kom út og fékk Ensími tvenn verðlaun á Íslensku tónlistarverðlaununum. Miðasala á tónleikana er hafin á Midi.is.

Twilight í fjórða sinn

Fjórða vampírumyndin í Twilight-seríunni er í bígerð og verður hún byggð á bók Stephenie Meyer, Breaking Down. Þetta staðfesti leikarinn Robert Pattinson á kvikmyndahátíðinni í Cannes. Tökum á annarri myndinni, New Moon, er að ljúka um þessar mundir á Ítalíu og tökur á þeirri þriðju, Twilight: Eclipse, hefjast í október. Fyrsta Twilight-myndin naut mikilla vinsælda víða um heim þegar hún var frumsýnd á síðasta ári og er beðið með mikilli eftirvæntingu eftir framhaldsmyndunum. Myndirnar fjalla um ástarævintýri unglingsstúlkunnar Bellu og vampírunnar Edwards, sem Pattinson leikur.